سلام عليكم
اولا اليوم الصراحة كنت مستانس من جميع النواحي ولله الحمد
لكن انقلب الحال بعد الساعة 4 عصرا
ساير مع الاهل مركز وافي والصغارية فرحانين
لكن المفاجأة كانت في المركز
اتصدقون امسوين اكبر شجر لعيد راس السنة يمكن فالامارات قصد الصناعي فالمركز
وامسوين بلاوي والله يمكن امكلفنهم اكثر من 100000 الف درهم
وبمناسبة يوم الاتحاد والله ما كلفهم شي مايتقارن بعيد راس السنة
والله شي يقهر حبيت اعرف وين دور مسؤول المراكز؟
الي اعرفه انه رجل عربي وحتى لو ماكان عربي المفروض يكون العكس
يا جماعة عيالي سالوني بابا اليوم عيد وطني ولا شي ثاني ؟
ما عرفت ارد عليه
اتصدقون ما كملت 5 دقايق وطلعت خربوا طلعتنا
حبيت اعرف تعليقكم على الموضوع
37 thoughts on “والله عيب على مركز وافي”
Comments are closed.
قههههههههههههههههر
ما نروم انقول غير الله المستعان
السلام عليكم
بمناسبه الفالنتاين تشوف محلات العطور حمرا
محلات الحلويات حمرا
محلات العطور جمرا
المراكز التجاريه حمرا
حتى شيشه البترول فيها دباديب حمر
والبنات ما يقصرن الكليات والجامعات تلبس احمر في احمر
والكل يهدي هدايا عيد الحب
عجب عجاب
والله المستعان
فلووووووووووووووووووووووووووووس
التفكير صار كله بالفلوووووووووووووووووس
عاقبت هذا الامر لاترد ألا على الشعب
وغيرهم مستفيد فلوووووووووووووووووووووس
أعلااااااااااااااااااااااااام و أعلاااااااااااااااااااااان
مثل هذي الشجره ألي يشوفها خارج دبي يفكر أي دبي وألي في دبي مستانسين طبعا الأجانب
كل حركه مدروووووسه
ما أظني مسموح لشرب الخمر كثر بلادنا من البلدان العربيه وغير وغير مسموح عندنا وممنوع عند غيرنا كأنا مش مسلمين كله عشان خاطر الأجانب
وأنا أقول محد يقدر يمنعه ألحين لوو منوه ؟؟
هندي واحد يرده لأنهم ماينعطون ويه بس الله يسامح ألي عطاهم ويه
سمعت مره سالفه أظني منقوله من راديو أو من شخص ما مذكر
المهم حرمه من أهل دبي تقول أنها تريد من الحكومه يظهرون أهل دبي ألي مناطق خارجيه
قالولها ليش ؟ قالت هذي مب بلادنا بلاد الكفار
ماتقدر نمشي على البحر ألا نشوف مفاصيخ
وألي حاضن حرمه من هذيلا الانجليز والي وألي ..
وحتى في السوق صرنا نشوفهم
لاحشمه ولا أدب….
صدقها ولا لأ ؟
ماطار طيرا وأرتفع ألا كما طار وقع
الله يفرجها
صدق غصه
تتكلم بس وافي انا ماشفت اي زينة في دبي احتفال عيد الاتحاد تعال شوف بوظبي ولا العين
وحتى لو كانت العاصمة ابوظبي بس اسمه عيد الاتحاد يعني امارات وحدة
لكن شو اقول
اقول ………………………….
800 الف مواطن مقابل يمكن 4 مليون اذا ماخاب ظني ؟اصبروا لين نهاية السنة وشوفوا البلاوي والاحتفالات ,قهر الصراحة بس انقول لمنو ومنو الي يسمع والقهر الكل عارف وساكت بس لين متى ؟؟وشو نهايتها ؟