واليا انذكر زايد لزوم(ن) نجّله

الله يصبح وردة العين بلخير
ويجعل صباحك بالمسرات كله

انا اشهد انك غير واطلالتك غير
مثل الفراش اللي على غصن فُله

وجهك صبوح ينور الكون وينير
اهديك ورد العين باقه و سله

عاقل مؤدب طايش احيان واغير
بالله لا ترضا علي المذله

ابوي علمني وانا توني إصغير
قلب(ن) يحبك في عيونك تشله

اكره عتاب ان قلت لي خير ياطير!
يضيق صدري لو ما فيه عله

وان كان تزعل بلتمسلك معاذير
واصبلك فنجال والقلب دله

يعني بلهجتكم ارمسك واسير
وان سار قلبي دار زايد محله

آقولها وإلكم معزه وتقدير
وحشمة عرب والدرب كل(ن) يدله

مدري صباح الحب ولا العصافير
بس الوكاد الحب محد(ن) يمله

طفل(ن) بريء ولا يبي يارد البير
يسقيك من قلبه ولا يقول لله

وانا اطلبك طلبه الا جاك تقصير
انك تسامحني على كل زله

فبوظبي لي روس قوم(ن) مناعير
وبالعين لي ربع(ن) نشاما وشله

واللي يحب الدار مايعكس السير
واليا انذكر زايد لزوم(ن) يجله

اقل شي نقدمه دون تأخير
يالله ترحم زايد(ن) في محله

ومادامني بالعين فآنا على خير
احبها وانا عليها آتوَله

لها على قلبي مأثر وتأثير
مثل البشر كل(ن) توجه لمله

واكنّ في قلبي لها كل تقدير
وبالاحترام نعيش تحت المظله

يانور يانوار يحلا نواوير
يالعين انتي العين يا بعد من له

جيتك ابي اقطف ورود الدواوير
كبدي بحبك كلها مستحلّه

مالي علاقه بالعطر والمناكير
ولا جيت ادوّر حب (هالسندرله)

لو انهم دقوا عظامي مسامير
قلبي فدا لهل الامارات كله