من ايام صار خلل في شبكة اتصالات
اونة ثاني يوم حاطين اعلان في الجريدة ونحن آسفين ودوم اتصالات هي الأفضل !!!!
واليوم الصبح تقريبا من 7 الى 9 والشبكة فيها خللللللللل !!!!!!!
اللي صار اني وصلت الحرمة الساعة 6 لمعهد تدريب السواقة في المصفح
حطيتها وقلت لها اني مكلم تيكسي الغزال ياخذها ويوصلها الجامعة بعدما تخلص يعني 7 ونص
وانا تحرك لجامعة الإمارات يعني العين ،، كلاسي الساعة 8 ..
المهم ع ال 7 تواصلت مع سائقة تيكسي الغزال وخليتها تنتظر على باب المعهد
الحين يالس اتريا الحرمة تتصل
وأنتظر
وانتظر
وانتظر
وصلت 7 ونص وخمس بعدها ما اتصلت !! اتصلت عليها اكتشف ماعندها ارساااال !!!!!!
رجعت اتصلت على السائقة قلت لها دشي داخل ودوري على الحرمة !!! عاد هي فلبينو تقول قما قمو بقا بقي بقا بقو < يعني بالعربي انا شو عرفني بحرمتك ؟؟!!!
وانا متورط ،، لا وأزيدكم عندها كلاس ع ال 8 ..
المهم واحاول اتصل في الحرمة وماشي فايدة الين السايقة شغلت سيارتها ورااااحت !!!!
وانتظر تلفون الحرمة ماشي فايدة ،، آخر شي اتصلت في الوالد قلت له ممكن تمر على المعهد تدور ع الحرمة يمكن صار فيها شي ؟!!!!!!
هالكلام ع ال 8 ،، فجأة الاقي تلفوني بعد ماشي ارسال !!!!!!
والوالد راح ويدور ويسأل
طلعت من الكلاس ويلست اتصل من تلفون ربيعي واتابع مع الوالد
الين الساعة 9 الاقي تلفوني يرن وكان رقم الحرمة 
،، رديت قالت ماكان عندها ارسال فيلست تتشحت من الناس في المعهد وكللللللل الي في المعهد ماعندهم ارساااال !!!!!!
المهم هي اخذت تيكسي وراحت الجامعة ،، طبعا وصلت يمكن 8 ونص !!!!!
والله مهزلة !!!! طيب من يومين اتبهدلنا واليوم اتبهدلنا وبعدين ؟؟!!!!!
شو الحل معاهم ؟؟!!!!!
اسكت أنا مرتفع الضغط عندي منهم !
نفس المشكله ماكنت اقدر اتصل .. الواحد يغسل ايده منهم
شـكــ وبارك الله فيك ـــرا لك … لك مني أجمل تحية .
وهدي اعصابك اخوي
غصبن علينا لازم نتحملهم
ماشيء حل ويا اتصالات ، الافضل دايماً انك انته والحرمه اتخلون موبايلات احتياطيه لدو ،
اتصالات ما منها امان ، بعد ما تقطع الارسال على الجماعه اتقوم تعتذر، ونحن لو نسينا انجدد بطاقه والا ندفع فاتوره مالنا عذر عندها
بس يا ريت يت شركه منافسه قويه ويا ارسالها مع اتصالات عشان تنضرب صح
الله يعينك ، ان شاء الله تفرج عن قريب وتسوق الحرمه ، وما بتحتاجون لأي حد
وتبقى دو الحل الثاني لمشاكل الاتصالات