السلام عليكم
بصراحه انا اليوم ابا اتكلم عن موضوع يهم الاف الاسر المواطنه. وهو هل من حقك انك تحلم يكون عندك بيت في بلدك وتسكن فيه ابنائك إلي هم مستقبل هذا البلد للاسف الاف المواطنين عندهم اراضي وعندهم قروض الاسكان بس مب قادرين يبنون والسبب ارتفاع تكلفة مواد البنا وجشع الموردين و المقاولين .
اليوم في جريدة الاتحاد سعر طن الحديد 4100 درهم والاسمنت الكيس 25 درهم
الواحد ما يعرف هل ارتفاع السعار النفط نعمه وإلا نقمه زادت الرواتب ظاهريا بس الحياه ولعت
المهم على شان الواحد يبني بيت المستقبل لازم انه يتسلف على المليون والمئتين واقل حاجه يباله مليونين. والبنوك ماتقصر بس بخصمون من راتبه مبلغ 25000 درهم على مدى 25 سنه غير خصم قرض الاسكان
يعني لو الواحد راتبه 30000درهم بيبقاله 500 درهم اعتقد انه لازم يتسلف عليهن على شان يقدر يسدد فاتورة الكهرباء.وفي حالة عدم السداد السجون موجوده والعوائل الله يكون في عونها
يااخواني مالنا غير الله سبحانه وتعالى وأولات الامر فدعو لان تصل هذه المعاناه اليهم
19 thoughts on “وبعدين مع ارتفاع اسعار مواد البناء”
Comments are closed.
استغفر الله العلي العظيم من كل ذنب عظيم
ازيدكم من الشعر بيت
كيس الاسمنت صار ب 32 في بوظبي يعني لو تزاعق وتحرق اعصابك يعطيك اياه ب 29
وين الكيس صار ب 14 وناس تقول 17 والله كل شي زاد
وانا شاري الخشب بس من 3 تيام ب 25 صار ف 3 تيام 28 يعني كل يوم بدرهم الواحد مب عارف شو يسوي كل ما يبا بشتري شي يزيد وبعدين ماشي مراقبه فدوله والله فوضه
استوي هاموور ولعب بسوق
يا بن_مطير مب انت بس فيه الاف الشباب الي عندهم الاف العوائل مثلك ومثلي و انا بصراحه ساكن في بيت الاهل وعندي 6 اولاد وامهم وخدامه يعني 8 اشخاص غيري وعندي 2 من اخواني نفس العدد عندهم تخيل كيف عايشين بس منوه يحس التجار اوعلى قولت اخوانا المصرين الهليبه والا بعاميه الهوامير شوه اقول غير الله كريم واملنا في الله و أولات الامر الامر كبير والايام يايه
انا معاك اخوي في الحل إلي تفضلت وكتبته وبصراحه ماشي غيره لانه حتى لوزادو قروض الاسكان بترتفع الاسعار اكثر وبعدين يمكن مايزيدون القروض للي عنده قرض مثل ما سوو قبل إلي حصل 900 الف ما زادوه
والله يالربع أنا طالع لي القرض مال الاسكان بس والله ما اقدر ابني