السلام عليكم
بصراحه انا اليوم ابا اتكلم عن موضوع يهم الاف الاسر المواطنه. وهو هل من حقك انك تحلم يكون عندك بيت في بلدك وتسكن فيه ابنائك إلي هم مستقبل هذا البلد للاسف الاف المواطنين عندهم اراضي وعندهم قروض الاسكان بس مب قادرين يبنون والسبب ارتفاع تكلفة مواد البنا وجشع الموردين و المقاولين .
اليوم في جريدة الاتحاد سعر طن الحديد 4100 درهم والاسمنت الكيس 25 درهم
الواحد ما يعرف هل ارتفاع السعار النفط نعمه وإلا نقمه زادت الرواتب ظاهريا بس الحياه ولعت
المهم على شان الواحد يبني بيت المستقبل لازم انه يتسلف على المليون والمئتين واقل حاجه يباله مليونين. والبنوك ماتقصر بس بخصمون من راتبه مبلغ 25000 درهم على مدى 25 سنه غير خصم قرض الاسكان
يعني لو الواحد راتبه 30000درهم بيبقاله 500 درهم اعتقد انه لازم يتسلف عليهن على شان يقدر يسدد فاتورة الكهرباء.وفي حالة عدم السداد السجون موجوده والعوائل الله يكون في عونها
يااخواني مالنا غير الله سبحانه وتعالى وأولات الامر فدعو لان تصل هذه المعاناه اليهم
19 thoughts on “وبعدين مع ارتفاع اسعار مواد البناء”
Comments are closed.
الله يعينا و يستر علينا .. كل شىء يالس يرتفع من يوم الى آخر ..الى متى هذا الغلاء الفاحش و جشع التجار .. الأمارات نسبة المليارديرات تزيد 17 % كل سنه حسب ما قرأة عنه في فوربس الأمريكيه !!!! بالعكس انا اول من يفرح لهم و الله يوفقهم .. بس يخفون علينا شوي .. !!
حسبي الله ونعم الوكيل ..
الله يعينا على الغلا
نا أقترح أنه يثبتون أسعار مواد البناء على مستوى الدولة ويحطون هامش ربح معقول للتجار كلهم وكل من يبيع زيادة عن السعر المثبت في السوق العادية أو حتى السوداء يعاقب بالغرامة واذا تكرر بالسجن
وأقترج أنهم يفتحون الباب لشركات المقاولات في الامارات الثانية بالعمل في العين وبوظبي لمنع احتكار التجار والمقاولين الجشعين
وأقترح أنه يحطون ليميت أعلى لسعر البناء بالقدم المربع بحيث لا يتجاوز مثلا 2500 درهم
وأقترح يدعمون سعر الديزل و….
واذا ما بينفذون شي من هالاقتراحات وبيظل السوق مفتوح بأيدي قلة من معدومي الضمير
أقترح يسحبون الأراضي ويلغون هيئة القروض وتتولى الدولة بناء وتمليك المواطنين للبيوت الشعبية\
الوضع صععععععععععععععععععب
ماحد قادر يبني
القروض والسلفيات وجشع التجار وغلاء الاسعار وغلاء المعيشة وانخفاض قيمة الدرهم كلن رواتبنا
الله المستعاااان
ارتفاع أسعار مواد البناء سببه الرئيسي هو جشع التجار اذا كيس الأسمنت يوصل عندنا ب 25 درهم.حتى في عمان الناس تعاني من ارتفاع أسعار مواد البناء لدرجه ان كيس الأسمنت عندهم يوصل ب 36 درهم.لازم الحكومه تتدخل وتفرض عقوبات قاسية على المخالفين للحد من هالشيء.انا الصراحة عجبني الحل إللي اقترحه نحول وأأيدك في الحل هذا.