السلام عليكم اخواني واخواتي
انا الحمدلله بفضل رب العالمين تويجره (تصغير تاجره) ابيع اشياء متنوعه والحمدلله الاقبال مقبول اشكرك يارب العالمين ماشاء الله
بس في شي يصير لي ولكثير من التاجرات او التجار هو ان لما الزبون يطلب ولما المندوب يسير للزبون يا مايرد يا يقول ردها مااباها يا يقول ابا شي ورد الباقي
الحييييييييييييييين هالشي مايقهــــــــــر
الصراحه التعامل مع الرياييل مريح ماشاء الله كلمتهم وحده ويشجعون الواحد للتجاره بس 60% من الحريم تعاملهم للاسف يحزن يطلبون طلبيه بالقيمه الفلانيه واخر شي ياتغلق الفون يا ماترد يا تكنسل لما يوصلها المندوب
والقهر اللي تقول بليز لاتعطين رقمي لحد انزين المندوب كيف بيعرف مكانج هو ساحر ولا يقرا الورق
عطوووووووووووووووووووووومي حل يريحنا
بس لاتقولون لي جساب مااروم افتح حساب لاسباب خاصه اولا وثانيا حريم مايرومون يروحين يحطون البيزات في الحساب
وانا معاك ….. فكرة حلوة
مثل ماقالو الاخوان دفع مبلغ التوصيل كتحويل رصيد غير قابل للارجاع تغير رايها بكيفها
موفق بإذن الله … لك مني أجمل تحية .
هذه هي ميزه الرجال ,, هم هكذا دائما
عندما يتعاملون مع امرأه يكونون ملائكه ويشجعونها طبعا ,, !!
اما اذا تعاملوا مع رجال مثلهم يكونون مختلفين ,, !!
الا من رحم ربي طبعا ,,,, الله يعينج على الرجال والحريم كذلك ياعذبه
وشكرا ,,,,,,,,,,,,,,,,
يطولي بعمرج اللي يبا يطلب شي يحولج رصيد مثلا 25 كدفعه اولى واذا ما يبا السلعه مشكلته انتي خذتي قيمة التوصيل
ما اظن في حد ما يعرف يحول رصيد
شرايك؟؟
اختي عذبــــــــــة الروح
هذي احدى سلبيات التجارة اللي من هالنوع
وان شاء الله لما تصيرين تاجرة كبيرة ولج محلاتج المعروفة، الزباين بنفسهم راح يجون
لين ذاك الوقت تحملي ثجالة دم الزبونات، و هالشيء مو غريب عليكم ( النساء ) الغالبية ترفع الضغط و التعامل معهم صعب
بالتوفيج ان شاء الله