السلام عليكم و رحمة الله و بركاته.

يا طويلين العمر، عندنا وظايف شاغره لـ 2-3 فنيين (الرتبه 17) لشركه شبه حكوميه معروفه جدا في الإمارات.

الراتب أنا مب متأكد منه، بس مرتبة 17 تتراوح بين الـ 12,000 و الـ 20,000 درهم (حسب الحالة الإجتماعية و بعض الأشياء الثانيه). الدوام لشخص واحد في بوظبي و الباجيين في عجمان (حسب طلبنا إحنا، مب الشخص نفسه).

بالنسبه لشروط الوظايف المطلوبه،
– أن يكون من مواطني دولة الإمارات العربية المتحده.
– للذكور فقط لأن الشغله فيها دوام ليلي أحيانا.
– أي شهاده و بدون خبره (بس إذا عنده دبلوم يكون أحسن).
– مب لازم يعرف إنجليزي (لو طمطمه مب مشكله)، بس لازم تكون عنده القابلية للتعلم.
– آخر موعد لتقديم الطلبات 1032009
ما أظن في أسهل من جيه.

اللي يشوف عنده المؤهلات و العزيمه، يطرشلي سيرته الذاتيه على الخاص (لو حتى في سيرته الذاتيه كان فيها الثانويه فقط). و بسويله مقابله، و الله يكتب اللي فيه خير.

يا جماعه، نصيحه، اللي يبا يقدم السيره الذاتيه و ثم المقابله، يقرا هالموضوع، بدل التخبيص اللي نشوفه كل يوم.
http://satfrequencies.com/invest/uae157365/

أنا حطيت الموضوع هنه لأني مستعيل شويه، لأن الشباب عندنا ناوين يوظفون هنود، و الهندي يرضى براتب 5000 حتى. فأبغي أخلص الموضوع بأسرع وقت.

ملاحظه 1: حطيت نسخه من الموضوع في موضوع الوضايف المثبت فوق.
ملاحظة 2: الرجاء اللي ما عنده كلمه زينه يتحفنا بـ سكوته.

18 thoughts on “وظائف شاغره للمواطنين.”

  1. الله يجزيك الخير على حسن نيتك ومساعدة اخوانك المواطنين والله يوفقك ان شاء الله ويعطيك على قد نيتك ان شاء الله

  5. يا جماعة الخير،

    لا تطلبون الإيميل مني لأني ما بحطه.
    أنا راس مالي هالإيميل بصراحه.

    صحيح إن المنتدى لا يقبل برفع ملفات الـ MS word، بس كل اللي عليكم إنكم تضغطون الملف ببرنامج الـ winzip و ترفعون الملف و تعطوني الرابط. عقب 1232009 تقدرون تلغون الملف إذا حبيتوا.

Comments are closed.