السلام عليكم بغيت مساعده اخواني و خواتي انا ناويه استقيل من وظيفتي لاسباب كثيره اولها ان تعرضت للسب من قبل موظفه ويايه في الدوام و ما ارديت عليها بنفس الشي اخلاقي ما تسمح لي علي طول سرت Hr عشان اشتكي و مع الاسف هم مب ماخذين السالفه بجديه ليش ………. بكل بساطه ما فيهم يعورون راسهم و قالولي ما عليه انسي ؟؟؟ عادي ترا احين الواحد ينسب
السبب الثاني عطوني وظيفه و هميه و اول ما واجهتهم قالولي كل شي مكتوب في الجوب ديسكربشن بس جيه عشان و ما عدنا وظيفه حقج يعني استقيلي بكل بساطه والله حالتي النفسيه تعبانه و الصحيه
السبب الثالث الدوام وايد طويل حق وحده عندها اعيال من ٨ لين ٥ والله اوصل البيت علي اذان المغرب
اتمني لو حد يقولي وين اقدر احصل وظيفه لين ٢ ونص و مكان مطور في نفس الوقت .
اسمحولي بثجل عليكم بس كله ولا كرامه الانسان
الله يعينج اختي وينصرج على الظلام
ومسلسل الاستفزاز ماشي واختنا وحدة من الضحايا الله يعينج
اختي حاول تقدمين في كل دوائر دبي وحتى الشارجه بعد وان شاء الله تلقين الوظيفة المحترمة
والله يوفقج يا رب
أختي أم عزوز
الحمدلله نحن في بلاد فيها خير وأمان وفيها قانون يأخذ حقج
إذا سبتج وغلطت عليج شخصيا “ما أقصد صراخ وبس” يعني قالتلج كلام يسئ لج
تقدرين تفتحين عليها بلاغ في الشرطة وهم بيزقرونها وإذا كان لج حق صدقيني بتأخذينه
وشيء قانون في شرطة دبي للقذف والتجريح
عليج بالشرطة يا أختي
استغفر الله
حاسبتهم و مع الاسف المدير العود واقف وياهم و القهر انه ما يعرف شو مستوي بس لانهم اعلي مني بدرجه وحده بس واقف وياهم اهينه يا اخويه انته شو درجتك بيحترمونك و لا تكرف كراف بعدك ما سويت شي
مشكورين اخواني علي الرد
شو اقرب مكان قطاع حكومي في العين حق دبي و كم ساعه لين هناك ؟؟
__________________
انا هددتهم بالشرطه و اذا زادت زياده و ما بقصر فيها
__________________