السلام عليكم بغيت مساعده اخواني و خواتي انا ناويه استقيل من وظيفتي لاسباب كثيره اولها ان تعرضت للسب من قبل موظفه ويايه في الدوام و ما ارديت عليها بنفس الشي اخلاقي ما تسمح لي علي طول سرت Hr عشان اشتكي و مع الاسف هم مب ماخذين السالفه بجديه ليش ………. بكل بساطه ما فيهم يعورون راسهم و قالولي ما عليه انسي ؟؟؟ عادي ترا احين الواحد ينسب
السبب الثاني عطوني وظيفه و هميه و اول ما واجهتهم قالولي كل شي مكتوب في الجوب ديسكربشن بس جيه عشان و ما عدنا وظيفه حقج يعني استقيلي بكل بساطه والله حالتي النفسيه تعبانه و الصحيه
السبب الثالث الدوام وايد طويل حق وحده عندها اعيال من ٨ لين ٥ والله اوصل البيت علي اذان المغرب
اتمني لو حد يقولي وين اقدر احصل وظيفه لين ٢ ونص و مكان مطور في نفس الوقت .
اسمحولي بثجل عليكم بس كله ولا كرامه الانسان
والله شكلي بتصل لان مع الاسف المديره عادي عندها و اتقولي اتنازلي
خبرتي اختي سنتين ونص و انا من السنه الي طافت وانا ساكته عنها و كثر اساتها و الحمدالله الكل يشهد لي بالاخلاق العاليه وعن الدوام لين العصر الغاليه غير يوم عندج يهال غير يوم انج تدخلين البيت و ريلج توه يطلع ساير الدوام غير يوم انج ما اتشوفين ريلج ٣ ايام يعني انا ما افكر في الراحه و في المعاش القوي انا افكر في بيتي في صحتي وانا ما انسحبت و مشكوره علي المشاركه
__________________
معلومات خاطئه ,,اللي عنده بكالوريوس وتوه يديد راتبه 31.8 طبعا هذا من دون علاوات العيال
..
فهل جميع من يعمل في الدوائر المحليه عندهم بكالوريوس ؟؟ الجواب لا
انا بس حبيت اصحح لانه الناس بتصدق انه اقل راتب 40 الف ..
بخصوص مشكلتج اختي اظن ان بنت السلطان كفت ووفت بطرح الحل للمشكله
لكن وقت دوامج واااايد صعب ,,ماتم تطبيق نظام الدوام المرن عندكم ؟؟
..
__________________
شكلج ما كملتي سنه في هذه الوظيفه
واذا مب غلطانه يمكن ما كملتي 6 اشهر
لان نسب الاستقاله بين الموظفين الجدد اكبر لنهم يواجهون صعوبات اكبر
اولا انا احب احلل المشاكل ومن ثم اقترح الحلول
لانج حاليا متلخبطه ومب عارفه تفكرين
المشكله الاولى ,,مب قادره تندمجين مع فريق العمل بسبب موقفج مع زميلتج
والاستقاله مب الحل ,,,,لانج اذا لقيتي مكان ثاني وتعرضتي لنفس ها الموقف بعد بتستقيلين ؟؟؟
الحل ,,,انج تتوكلين على الله وتعاملينها باخلاقج بهذا الشكل بتحرجينها امام الزملاء ,,لانها بتطيح من عينهم وانتي بتكبر مكانتج
مب عند الزملاء بس حتى عند الرؤساء
وبيكون الله راضي عنج
يعني بتنالين رضا الله واهل السماء والارض
المشكله الثانيه ,,ساعات العمل وعدم وضوح المهام المطلوبه
نحن عزيزتي في عصر متسارع والعمل مطلوب انه الموظف يتحمل حرقة اعصابه انتهت عصر الوظيفه الحكوميه اللي الواحد يرد 2 ونص حتى الحكومه عندها ضغط وتأخر الموظفين وعلى زحمة الطرق ما فيه حد يرجع على الوقت
الحل انج تصبرين لين ما تكتسبين خبره يعني سنه ولا اثنين وعقب الجهات اللي بتدور عليج مب انتي اللي بتدورين وظيفه
ممكن التخصص وعدد سنوات الخبرة وفي شو تشتغلين بالظبط يعني الوظيفة الحالية شو وان شاء الله بحصلج وظيفة بس ما تنسين اكتبي كل شي التخصص والشهادات والخبرات وفالج طيب