وظائف للشباب فقط في مصرف الشارقة الاسلامي

السلام عليكم ورحمة الله وبركاته

مصرف الشارقة الاسلامي يقدم ثلاث برامج للشباب الطموحين من خريجي الكليات والجامعات

البرنامج الاول ” مهنتي” للطلاب اللي حابين يتدربون صيفي لمده شهر واحد في سبعه .
البرنامج الثاني ” بدايتي” لخريجي الدبلوم العالي . اول شي تدريب لثلاث شهور وعقب التثبيت .
البرنامج الثالث ” رواد ” لخريجي البكالوريس و الدبلوم العالي .

واذا كنتوا من متابعي الجرايد اخر فتره نزلنا اعلانات عن هالبرامج خصوصا حق رواد هوه عباره عن توظيف و خلاص ثلاث سنين المواطن الكفء واللي يثبت جدارته يكون مساعد مدير او مدير .

برنامج بدايتي لخريجي الدبلوم يكون تدريب لثلاث شهور عن البنوك الاسلاميه وبعدين نثبتهم في مختلف الاقسام والفرووع

بما انه مصرف اسلامي فيعني فرصه حلوه للتقديم حق وظيفه

ارسلوا سيفياتكم على هالعنوان

uae.students@sib.ae
او على الفاكس 065684747

واشدد على توافر اللغه الانجليزية في المتقدمين على البرامج ومحتاجين حق التدريب الصيفي طلبه يعرفون حق التصميم يساعدونهم

وياررررررررررررريييت لو احصل شباب توهم متخرجين يكونون من الشارجه او عيمان او دبي لان اغلب التوظيف بيكون في الاداره او Head quarter

وحبيت اقول اني بنزل اعلان في الجريده اما الاحد او الاثنين عن يوم التوظيف عندنا في المصرف وهو عباره عن يوم كامل كله مقابلات يعني مقدم الطلب يحط اوراقه ويسير يسوي مقابله وهذي تفاصيله

بيكون تاريخ 19-6-2007
فندق هوليدي انترناشونال الشارقه اللي صوب البحيره
قاعة القصر والمجلس
يبدا التسجيل الساعه 9 الصبح

الاوراق المطلوبه :

صوره شخصية واحده
نسخه من السيفي CV
صوره من الجواز
صوره من خلاصة القيد
نسخه من الشهاده او لمن يهمه الامر او اي شي يدل على ان مقدم الطلب حاصل على شهاده

واكرر مره الثانيه هاليوم بيكون للمواطنين فقط وللخريجين من سنة 2006-2007 يعني فرش ماعندهم خبره .

اي سؤال او استفسار حاضرين

مع التحية