افتح الجريدة كل يوم العربية و الإنجليزية, بتحصل و ظايف و طرش السيرة الذاتية …. + اتصل بهيئة تنمية الموارد البشرية وسجل عندهم ( لازم تتصل كل يومين ولا ثلاث ايام وتأذيهم ) , اتصل على البنوك جميع البنوك و شوف إذا عندهم شاغر, استمر في البحث, و لاتيأس.
اسبوع واحد و شوف
ويمكن اتحصل فرص غير العمل, بأنك اتحصل مستثمر يبحث عن وكيل خدمات و تاخذ عنه سنوياً مبلغ 30 او 40 على حسب الرخصه ,, سبع ثمان اشخاص بتظبط امورك.
ملاحظة: في اي مقابلة تسويها مع اي شركة لاتخليهم يحسون انك محتاج لهم بين العكس. و إنشاء الله بتنجح.
وفي شي ثاني لاتستوي مثل البنقاليه اي عرض يقدمونه لك اتوافق لأنك لو قلت موافق يعني انت بينت انك ماتفهم شي و تبغي بس وظيفه ( لازم انت تسألهم مجال العمل و تسألهم 3 إلى 5 اسئله وبعدين اتقول بفكر وتريا يومين وشوف إذا ما اتصلو عليك هذا ويهي.
وبالنسبة للرواتب إذا تبغي راتب وايد ( شوف شركات الفري زون الشركات اليديدة, وعند مايسألونك كم تتوقع الراتب؟؟؟ قوول فوق 5,000 شهرياً بس مب بالدرهم ( بالدولار ). بس للشركات الأجنبية اليديدة و إذا اتروح شركات محلية وتقول بالدولار بيظحكون عليك.
والي يقول ما حصلت وظيفة بظربه ظرب لأنه ما مشى على خطتي.
وبالنسبة للبنات ( خففو المكياج و دسو شعوركم لأن اي جههه بتوظفكم ما بتفكر كم تعطيكم راتب بتفكر كم بتدفع فواتير إتصالاتكم )
وتحياتي لكم.
هههههه
حلوو أسلوبك ما شاء الله
ونصااايح قيمه
أتمنى من الجميع الاستفاده منهااا
سلااامي عليك
و ع الأسلوووب الرااائع
بعد اذن الاخ محمد ارد على الاخت شمس الضحى
اختي اعتقد الي فهمته من كلام الاخ محمد والنقطه الي سالتي عنها انتي
انه مثلاً في حد يبا يستثمر بيزاته ويفتح له محل ولا شي ويتم فتح المحل على اسمج انتي مثلاً
وتكون لج فايده سنويه منه
أخوي محمد
بارك الله فيك يا ليت تشرحلي فكرة المستثمر
كيف يعني؟!!
محمد المهيري..ما شاء الله نصايحك ذهبية..
فرص العمل موجودة بس لازم الواحد يصبر ويدور عدل وما ييأس..
انصحكم بالشركات الاجنبية الكبيرة اللي في free zone و مركز دبي المالي العالمي..
على فكرة اغلب الشركات الاجنبية تدور على موظفين عن طريق شركات التوظيف على النت مثل
Bayt.com | jobs UAE, jobs Dubai, jobs Abu Dhabi, jobs Saudi, jobs Kuwait, jobs Bahrain, jobs Qatar, jobs Pakistan | Bayt.com
RecruitGulf.com: For Jobs in Dubai and Careers in the Gulf
Clarendon Parker a Manpower Company
طبعا CV والخبرة واللغة في المقابلة يلعبون دور كبير في تحديد الراتب. اغلب الشركات الاجنبية ما عندهم نهاية مربوط للدرجات او المسميات..انت ومهارتك.
اذا كنت حاصل على دبلوم عالي او شهادة جامعية اطلب راتب فوق 25 الف
جربنا قاموا يسدووونه في ويهنا حراااام
تعطيهم الورق اليوم بالباجر ترد لهم يقولولك أي ورق