السلام عليكم

للأسف هالمستشفى والله اني اخاف منه

ومستشفيات الدوله بشكل عام

وثقتي فيهم معدومه لأنهم قصابين مب اخصائيين للأسف

..

يوم الاحد الفائت

توفيت مواطنه في مستشفى المفرق جراء عمليه ربط معده فاشله

الحرمه ام عيال الله يرحمها ان شاء الله ويغمد روحها الجنه

والقصاب الي في مستشفى المفرق

وفي اثناء العمليه

قص الشريان المسمى بــ (( الشريان الطحالي ))

السالفه اليوم سمعتها من الاهل

والله انصدمت السالفه من حوالي اسبوع ولا سمعنا هالخبر فالجرائد ولا التلفزيون

والكل متكتم عن الموضوع

لو اجنبي والله ليدفعون المستشفى ملايين الدراهم ويتكملون عن الموضوع فالصحف الاجنبيه

وبتستوي زوبعه

ولاكنها لأنها مواطنه الكل مستهتر بالموضوع

..

لا تتحرون ان هالسالفه هي الوحيده فقط

من حوالي سنه و 3 اشهر مواطنه وبعد الولاده بوقت قصير في مستشفى الكورنيش

(( الولاده طبيعيه ))

الله العالم شو سوو بالحرمه وهي تولد

توفت بعدها بلحظات بسبب نزيف داخلي سببه خطئ طبي قـــــــــــــــــــــــــــــــــــاتــــل

الحرمه كانت صغيره فالسن وهذا ثاني مولود لها

الله يرحمها ان شاء الله

شو رايكم

تبوني اطلع الي مستخبي ولا اسكت

والله قهر..

هذا ثالث ضحيه بتلكم عنه .. لاكن ولله الحمد نجا من هالقصابين

واحد من اهلنا

يبون يقصون اصابع ريوله في مستشفى المفرق

رفضو عياله وودوه بانكوك

والله العظيم كان العلاج بسيط جدا جدا جدا

كانو يحطون اوكسجين على الاصابع وعقب يحطون كريم لمده حوالي اسبوعين فقط لا غير

ورجع الدوله والحمد لله لا قص اصابعه ولا هم يحزنون

الين متى هالمصخره يا جماعه

كفايه ضحايا

46 thoughts on “وفاة مواطنه في مستشفى المفرق بسبب ربط المعده”

  1. في ريال عندنا شو بقولكم بس شو سووا فيه والله بينكسر له الجبين من السلخ الي سووه فيه في مستشفى خليفه

    واخر شي بكل سهوله والله الحمدلله طلع المكان مافيه شي؟؟ كيف مافيه شي بعد ماقطعتوا من لحمه وخليتوا جسمه كله عمليات .

    لا والمشكله الكبرى ان في قرار بيطلع ممنوع العلاج خارج الدوله الا للحالات النادره؟؟

    والله حرام يعني لازم المواطن يكون فار تجارب؟؟

    انا اقول لو الشيوخ وكبار التجار وكبار المسولين راضين يتعالجون في مستشفيات الدوله المواطنين كلهم بيوافقون

    لكن محد من هالفئه راضي يتعالج في مستشفيات الدوله كلهم يسافرون برع

    ليش يعني هالمواطن المسكين مكتوب له لازم الدكاتره يقطعون فيه عشان يكسبون خبره ؟

    والله حرام شي يقهر الي يصير في مستشفيات الدوله

    ومستشفى توام مقبره على طول مافي عندهم تفاهم

    يارب رحمتك بالمساكين

  3. تصرف المليارات في الصحة (وزارة و هيئات) و لكن الجودة في الحضيض….
    تصرف المليارات في التعليم (وزارة و مجالس) و لكن الجودة في الحضيض….
    تصرف المليارات في الاسكان (وزارة و دوائر) و لكن الجودة في الحضيض….
    تصرف المليارات في الرياضة (اتحادات و أندية) و لكن الجودة في الحضيض….

    الخلاصة:

    مليارات المليارات = محلك سر !!!

  5. ملاحظه بسيطه : بخصوص زياده الوزن نصيحه للجميع كلوا بإعتدال ومارسوا نشاط رياضي منتظم وبتحافظون على صحتكم وأجسامكم ولا بتحتايون لا عمليات ولا حبوب ولا غيره


    اخوي 50% من المواطنين يعانون من السمنه واعلى نسبه في مرض السكري دولتنا …
    والعمليات هاي والحمدالله نسبت نجاحها 95% مع نسبه 85% الشفاء من السكري بعمليات التحوير
    وتصغير المعده واختفاء امراض ثانيه يعني اللي وزن 100 وفوق يسويها بدون لايتشاور ! مايتريا عمره
    لين امراض الدنيا كلها تضربه وعقب يسويها … والحمدالله الدوله ماقصرت عن طريق ثقه اللي كتلت جسمه
    40 وفوق ويختار اي دكتور وعدنا دكاتره معروفين بهالعمليات …. اما المفرق حدث ولا حرج !!!!
    وبخصوص الاكل بعتدال والرياضه للاسف لو عندهم قوه ارداه مادقوا الميه وفوق
    ولاتنسى الموت اسباب وهذا يومها الله يرحمها ويغفر لها

Comments are closed.