للأسف هالمستشفى والله اني اخاف منه
ومستشفيات الدوله بشكل عام
وثقتي فيهم معدومه لأنهم قصابين مب اخصائيين للأسف
..
يوم الاحد الفائت
توفيت مواطنه في مستشفى المفرق جراء عمليه ربط معده فاشله
الحرمه ام عيال الله يرحمها ان شاء الله ويغمد روحها الجنه
والقصاب الي في مستشفى المفرق
وفي اثناء العمليه
قص الشريان المسمى بــ (( الشريان الطحالي ))
السالفه اليوم سمعتها من الاهل
والله انصدمت السالفه من حوالي اسبوع ولا سمعنا هالخبر فالجرائد ولا التلفزيون
والكل متكتم عن الموضوع
لو اجنبي والله ليدفعون المستشفى ملايين الدراهم ويتكملون عن الموضوع فالصحف الاجنبيه
وبتستوي زوبعه
ولاكنها لأنها مواطنه الكل مستهتر بالموضوع
..
لا تتحرون ان هالسالفه هي الوحيده فقط
من حوالي سنه و 3 اشهر مواطنه وبعد الولاده بوقت قصير في مستشفى الكورنيش
(( الولاده طبيعيه ))
الله العالم شو سوو بالحرمه وهي تولد
توفت بعدها بلحظات بسبب نزيف داخلي سببه خطئ طبي قـــــــــــــــــــــــــــــــــــاتــــل
الحرمه كانت صغيره فالسن وهذا ثاني مولود لها
الله يرحمها ان شاء الله
شو رايكم
تبوني اطلع الي مستخبي ولا اسكت
والله قهر..
هذا ثالث ضحيه بتلكم عنه .. لاكن ولله الحمد نجا من هالقصابين
واحد من اهلنا
يبون يقصون اصابع ريوله في مستشفى المفرق
رفضو عياله وودوه بانكوك
والله العظيم كان العلاج بسيط جدا جدا جدا
كانو يحطون اوكسجين على الاصابع وعقب يحطون كريم لمده حوالي اسبوعين فقط لا غير
ورجع الدوله والحمد لله لا قص اصابعه ولا هم يحزنون
الين متى هالمصخره يا جماعه
كفايه ضحايا
الله يرحمها ويغفر لها …….
واحد يقربلي سوه عملية فمستشفى النور قبل تسع شهور عملية ربط معده والدكتور نسى ان الريال فيه السكري
عقب ما سوه العمليه بيومين طاح وتم فغيبوبه لمدة شهرين وودوه المانيا والحين الحمدلله الريال استوا
بخير وعافيه ورد الامارات كان بيموت بيروح فيها عشان ينقصله كمن كيلو بس الله سلمه والقهر انه هب
متين وايد
وحاليا اهله مشتكين عالدكتور وكل يوم جلسات فالمحاكم
لا حووول ولا قوه إلا بالله العظيم
الله يرحمها
السلام عليكم ورحمة الله وبركاته
الله يرحمها يارب
اعرف اكثر من شخصين توفو من هذة العملية
لانها صدق خطرة
واحد سواها في لبنان والثاني في السعودية
الله يرحمهاااا