السلام عليكم

للأسف هالمستشفى والله اني اخاف منه

ومستشفيات الدوله بشكل عام

وثقتي فيهم معدومه لأنهم قصابين مب اخصائيين للأسف

..

يوم الاحد الفائت

توفيت مواطنه في مستشفى المفرق جراء عمليه ربط معده فاشله

الحرمه ام عيال الله يرحمها ان شاء الله ويغمد روحها الجنه

والقصاب الي في مستشفى المفرق

وفي اثناء العمليه

قص الشريان المسمى بــ (( الشريان الطحالي ))

السالفه اليوم سمعتها من الاهل

والله انصدمت السالفه من حوالي اسبوع ولا سمعنا هالخبر فالجرائد ولا التلفزيون

والكل متكتم عن الموضوع

لو اجنبي والله ليدفعون المستشفى ملايين الدراهم ويتكملون عن الموضوع فالصحف الاجنبيه

وبتستوي زوبعه

ولاكنها لأنها مواطنه الكل مستهتر بالموضوع

..

لا تتحرون ان هالسالفه هي الوحيده فقط

من حوالي سنه و 3 اشهر مواطنه وبعد الولاده بوقت قصير في مستشفى الكورنيش

(( الولاده طبيعيه ))

الله العالم شو سوو بالحرمه وهي تولد

توفت بعدها بلحظات بسبب نزيف داخلي سببه خطئ طبي قـــــــــــــــــــــــــــــــــــاتــــل

الحرمه كانت صغيره فالسن وهذا ثاني مولود لها

الله يرحمها ان شاء الله

شو رايكم

تبوني اطلع الي مستخبي ولا اسكت

والله قهر..

هذا ثالث ضحيه بتلكم عنه .. لاكن ولله الحمد نجا من هالقصابين

واحد من اهلنا

يبون يقصون اصابع ريوله في مستشفى المفرق

رفضو عياله وودوه بانكوك

والله العظيم كان العلاج بسيط جدا جدا جدا

كانو يحطون اوكسجين على الاصابع وعقب يحطون كريم لمده حوالي اسبوعين فقط لا غير

ورجع الدوله والحمد لله لا قص اصابعه ولا هم يحزنون

الين متى هالمصخره يا جماعه

كفايه ضحايا

46 thoughts on “وفاة مواطنه في مستشفى المفرق بسبب ربط المعده”

  2. انا استغرب من كاتب الموضوع وبعض الردود صح مستشفى المفرق مب ذاك المستشفى اللي يطمن الواحد بس تصير بعض الاخطاء وقت العمليات ومب معناه انه الدكتور تعمد انه يذبحها انا واحد اقسم بالله اني مسوي عملية ربط معده فالمفرق وكملت سنه والحمدلله ماصابني شي واللي مسوي لي العمليه توفيق تبارا وسواها لي عن طريق الليزر

    والله توفت الله يرحمها ربنا كاتب لها هالموته وهي تسوي هالعمليه والله يرحمها هذا قدرها والعمليه هي السبب حالها من حال الحووادث اللي بالشارع بسبب السرعه او بعض الشوارع الضيقه والمتكسره

  5. لا حول ولا قوة الا بالله العلي العظيم

    الله يرحمها ويغمد روحها الجنه ويصبر اهلها آمين يارب العالمين

Comments are closed.