السلام عليكم

للأسف هالمستشفى والله اني اخاف منه

ومستشفيات الدوله بشكل عام

وثقتي فيهم معدومه لأنهم قصابين مب اخصائيين للأسف

..

يوم الاحد الفائت

توفيت مواطنه في مستشفى المفرق جراء عمليه ربط معده فاشله

الحرمه ام عيال الله يرحمها ان شاء الله ويغمد روحها الجنه

والقصاب الي في مستشفى المفرق

وفي اثناء العمليه

قص الشريان المسمى بــ (( الشريان الطحالي ))

السالفه اليوم سمعتها من الاهل

والله انصدمت السالفه من حوالي اسبوع ولا سمعنا هالخبر فالجرائد ولا التلفزيون

والكل متكتم عن الموضوع

لو اجنبي والله ليدفعون المستشفى ملايين الدراهم ويتكملون عن الموضوع فالصحف الاجنبيه

وبتستوي زوبعه

ولاكنها لأنها مواطنه الكل مستهتر بالموضوع

..

لا تتحرون ان هالسالفه هي الوحيده فقط

من حوالي سنه و 3 اشهر مواطنه وبعد الولاده بوقت قصير في مستشفى الكورنيش

(( الولاده طبيعيه ))

الله العالم شو سوو بالحرمه وهي تولد

توفت بعدها بلحظات بسبب نزيف داخلي سببه خطئ طبي قـــــــــــــــــــــــــــــــــــاتــــل

الحرمه كانت صغيره فالسن وهذا ثاني مولود لها

الله يرحمها ان شاء الله

شو رايكم

تبوني اطلع الي مستخبي ولا اسكت

والله قهر..

هذا ثالث ضحيه بتلكم عنه .. لاكن ولله الحمد نجا من هالقصابين

واحد من اهلنا

يبون يقصون اصابع ريوله في مستشفى المفرق

رفضو عياله وودوه بانكوك

والله العظيم كان العلاج بسيط جدا جدا جدا

كانو يحطون اوكسجين على الاصابع وعقب يحطون كريم لمده حوالي اسبوعين فقط لا غير

ورجع الدوله والحمد لله لا قص اصابعه ولا هم يحزنون

الين متى هالمصخره يا جماعه

كفايه ضحايا

46 thoughts on “وفاة مواطنه في مستشفى المفرق بسبب ربط المعده”

  3. الله يرحمها برحمته ويدخلها فسيح جناته ..

    انا بتكلم عن ولدي الله يحفظه ويخليه لي يبته لمستشفى من مستشفيات بوظبي وطبعا هو حكومي وكان يشتكي من الحرارة وطبعا صابه تشنج ودخلته المستشفى ولكن قالولي هذا تغيير في الجو وبما انه طفل ماتعدى السنة فماعنده مناعة فقلتلهم هل يشتكي من شي ثاني قالولي لا طبعا رقدوه خمس ايام وطلع الحمدلله … وسبحان الله كنت رايح زيارة لسنغافورة فتعب علي هناك وردتله نفس الحالة ولكن من دون تشنج لأني تلاحقت عليه بسرعه ووديته المستشفى طبعا اول مرة عطوني دواء وقالولي اذا مافاد لازم ترجعه بسرعه المهم طبعا الدواء سكنه الحمدلله يومين ولكن رجع تعب اليوم الثالث ووديته المستشفى واجبروني اني ادخله عندهم عشان صحة الولد مش مطمنة والحمدلله دخلته ولكن اكتشفوا في الولد انه عنده فقر في الدم وحامل للثلاسيميا اللي للأسف المستشفى عندنا في بوظبي ما كتشفه والحمدلله دخلته لمدة خمسة ايام وطلعته والحين من يومها ماترجع نفس الحالة يمكن انه يمرض ولكن مرض طبيعي اتيله حمى يومين إلى ثلاث وتروح ..

Comments are closed.