وفاة مواطن بسبب ( خلع الاسنان )

الــــــسلام عليكم والرحمة الله وبركاته

ان لله ان اليه راجعون

يوم الجمعة في الليل وصلني مسج من من ربيعي يقول بان احمد اخوي توفى

وبصراحة هالخبر احزني وايد صح اني ما اعرف اخوه وايد بس بينا سلام مرات بس شاب عمره يقارب 27 عاما يموت اكيد هالخبر يحزن الجميع وخاصة يكون اخو ربيعك

المهم امس يوم نزلت من الدوام سرت اعزي ربيعي بوفاة اخوه والصدمة كبيرة يوم سالت ربيعي كيف توفى احمد وانا حاط في بالي 98% اكيد من حادث الله يكفينا شر الحوادث
يوم سالت ربيعي عن سبب الوفاة ما رمس وقالي تعال صوب الموتر ظهر شهادة وفاة من الموتر ويوم قريت سبب الوفاة ( خلع الاسنان ) والله اني انصدمت صح الموت له اسبابه وهذا كان يومه بس سبب غريب شوي
قلت لربيعي كيف ومتى ووين وشو صار بصراحه ما عرفت اركب جملة مفيدة واسال ربيعي
قالي هو كان في مستشفى الرويس في عيادة الاسنان والدكتور يبا يسويله شيء في ضروسه بالضبط ما ادري والله هل خلع او عملية ما اعرف بالضبط بس في شهادة الوفاة كان السبب الوفاة ( خلع الاسنان ) بس الدكتور سواله بنج كامل وهو ما تحمل البنج وفي نفس الوقت ارتفعت حرارته وصلت 42 والدكتور ارتبك واتصل حق اسعاف الجوي ونقلوه مستفى خليفة اول ما وصلوا المستشفى توفه
لا حول ولا قوة الا بالله
تعدة الاسباب والموت واحد
وهاذي رسالة مني الى جميع الاخوان والاخوات عليكم بالصلاة ثم الصلاة ثم الصلاة لان ما تعرف متى يومك

اسم المتوفي احمد العوذلي
من مدينة العين منطقة اليحر

ان لله وان اليه راجعون