بسم الله الرحمن الرحيم
السلام عليكم
ولدي قبل يومين نجح بالتراي واخيرا حصل الليسن
ما شاء الله عليه يسوق تمام
فادور له على سيارة إلحين عشان يسير فيها الجامعة
ما يزيد سعرها عن 20 الف
وكل ما كان اقل يكون افضل
تكون بجالة جيدة وبدون مشاكل
فإلي عندة يذكر الامواصفات مع السعر هنا ولا على الخاص
وإذا في صور يكون افضل
وشكرا على مروركم
انا اول ماطلعت الليسن كنت ابا فورد موستنق 98 ههههه الوالد الله يحفظه قالي سمعني زين خل عنك التهور و عندك 3 خيارات يا هوندا سيفيك يا تويوتا كورلا يا نيسان صني هههههههه
انا اخترت الصني و يوم سرنا الوكاله حطيت عيني على المكسيما و عطيته نضره تكسر الخاطر و قالي لو بتصيح من اليوم لين باجر مكسيما ماشي اخترت الصني و الحين اختار اللون هههههه
و الحمدلله خذت الصني 1 بوينت 6 ليتر و لين يوم وياي
انا اشوف اذا بتخلي ولدك يختار بين السيارات الاقتصاديه يكون احسن
1- تويتا يارس
2- تويوتا كورلا
3- نيسان صني
4- نيسان تيدا
5- هوندا سيفيك
6- هوندا سيتي
7 – كيا بيكانتو (ماله ثبات مثل باقي السيارات بس اقتصادي)
8- سوزاكي سويفت ( ماله ثبات مثل باقي السيارات و اقل اقتصاد بين السيارات الي ذكرتهم)
صح اني طولت بس اتمنى افدتك
و مبروك على الليسن
موفق بإذن الله … لك مني أجمل تحية .
نصيحه اخوي
ولدك جامعي لا تخليه يداوم فالصناعيه والسيارات الجديمه ما تمضنها وهاذي نصيحه
عندك سيارات حلوه و رخصيه مثل سوفت فالوكاله حول ٤٥ الف
والمستعملات على ٢٥ – ٣٠ الف حسب المشي
والسوفت شكلها مقبول عند الشباب ولها شعبيه
والقرار يرجع لك
عندي بي ام موديل1997 نظــيفة بدون حوادث
هب سايرة وايد بس 18 الف درهم قابل للتفاوض
موفق بإذن الله … لك مني أجمل تحية .
مواصفاتها مثل اللكزسات العاديه يعني مافيها شي زايد
المشاكل لازم يكون فيها أشياء بسيطة جدا لأن السيارة عمرها 17 سنة
و كان فيها دعمات بسيطة و تم تصليحها الحمدلله
السيارة حاليا مش موجودة فالبيت بصورلك اياها اليوم فالليل ان شاء الله و برسلك الصور