بسم الله الرحمن الرحيم
السلام عليكم
ولدي قبل يومين نجح بالتراي واخيرا حصل الليسن
ما شاء الله عليه يسوق تمام
فادور له على سيارة إلحين عشان يسير فيها الجامعة
ما يزيد سعرها عن 20 الف
وكل ما كان اقل يكون افضل
تكون بجالة جيدة وبدون مشاكل
فإلي عندة يذكر الامواصفات مع السعر هنا ولا على الخاص
وإذا في صور يكون افضل
وشكرا على مروركم
Dubai Real Estate Property – Job, Apartments & more Properties in Dubai with Dubizzle Dubai
اخوي دور السيارة على حسب ميزانيتك وبتصل اشكال والوان
اخوي انا ما بزيد على الاخوان
لكن انا بقولك كلام عن تجربة سابقه ومريت بهذي المرحله من قبل
واعرف الشباب الي بهالعمر شو محتاجين وشو الي يناسبهم
اي سياره سواء كانت 6 سلندر او 8 سلندر شلها من بالك نهائيا ( عن تجربة) خصوصا الـ 8 وانت ما تشتغل انسى انك تاخذها .. لانك بتتلعوز
خلك على الاربعه .. اول شي بترتاح من صرفيه البترول ومثل ما انت عارف اسعار البترول عندنا نار .. والاربعه عمليات اكثر وبتكد وياه وبتريحه من الصدعه وبشكل عام تكون قطع غيارها ارخص
بالمبلغ الي عندك و اكثر شوي ممكن تاخذ
* سويفت 2006 او 2007 .. سياره عمليه لابعد الحدود ..شكلها شبابي وايد ومايفشل .. تعرف الشباب فهالعمر يحب يكون عنده سياره يجابلبها ربعه .. وعن الصرفيه لا تتخبر الفل 48 درهم ويمشيك وايد .. واذا عن الثبات تراها ثابته مقارنه بالسيارات الي من فئتها ( تيدا – يارس ) .. لكن اذا تباها ثابته اكثر بدل التواير بتواير اعرض شوي. وانا انصحك فيها وبقووة .
* كيا اوبتيما او هيونداي سوناتا .. موديلات 2004 و 2006 .. الكيا اوبتيما تكد( كملت عند ريال 4 سنين ولا مره اشتكى منها ابدا ) وصرفيتها وايد حلوه وشكلها الخارجي مناسب.
عيوبها : الثبات لك عليه شوي لكن بشكل عام السياره زينه.
* كامري موديلات 2003 .. فالشارجه بتلاقي وايد وارد وخليجي ..
ونصيحه خذ موديل يديد ريح ولدك وريح عمرك
بسم الله الرحمن الرحيم
السلام عليكم
اول شي اخويه مبروك على نجاحه في الليسن ،،
الله يحفظه لك ياربي ويسلمه من كل شر ،،
بخصوص السياره لو تاخذله سويفت تراها زينه وحليوه ومديل يديد لكن يقولون الشباب مشكلتها قطع الغيار تتاخر شويه ،،
لكن لها شعبيه عند الشباب ،،
هذا رايي الشخصي ،، بس الله يسهل امرك ويوفقك وتاخذله الي تقدر عليه وتكونون مرتاحين له ،،
الله يحفظه ويسلمه لك ياربي ويعطيه خير الليسن ويكفيه شره ان شاءالله
يا بوي خلك من كلام الناس
الكورلا خلها في أول حساباتك
حسب رأيك ليش التكاسي أغلبها كورلا؟؟
الكورلا صيانتها بسيطة… وأعطالها قليلة….
وقطع غيارها متوفر أصلي وتجاري ومستعمل!!!!!!!!!!!!!!
وصرفها أقل سيارة, الأولى إقتصاديا على العالم في 2007
مكينتها تحصلها بحدود 2000 إلى 3000 (1.3لتر) ……… إذا كنت شاك في المكينة.
بالنسبة للكيا والهايونداي ما أنصحك إلا إذا بتكون من الوكالة ………. وقطع غيارها غالية شوي
الهوندا مثلا عندك السفايف 200 والتويوتا 120 درهم
اللكسزس مال خقة !!!!!!!!!!!!!!!! خليك منها
النيسان أرخص من التويوتا إشوي بس مشاكلها وقطع غيارها أزود شوي
المسوبشي ما عليها كلام بس أسعار غيارها مدبلة
المكسيما صرافه شوي ومشاكلها متعبة
السوفت يا خوي حلوة والشباب يمدحونها
وبالتوفيق