بسم الله الرحمن الرحيم
السلام عليكم
ولدي قبل يومين نجح بالتراي واخيرا حصل الليسن
ما شاء الله عليه يسوق تمام
فادور له على سيارة إلحين عشان يسير فيها الجامعة
ما يزيد سعرها عن 20 الف
وكل ما كان اقل يكون افضل
تكون بجالة جيدة وبدون مشاكل
فإلي عندة يذكر الامواصفات مع السعر هنا ولا على الخاص
وإذا في صور يكون افضل
وشكرا على مروركم
الله يحفظه ويسهل لك أمرك
السلام عليكم
ربيعي عنده هوندا اكورد سته سلندر موديل 2001 او 2002 رقم واحد
بس ماشية حول 450 الف. وطالب فيها حول 20 الف
هذا رقمه جان حبيت تستفسر اكثر 0508188387
اخوي اربيعي عنده لكزس ال اس 400 موديل 1997 طالب فية 22 اذا يناسبك خبرني على الخاص .
والله يا اخوي بتشتري لك سياره موديل 90 ونازل ؟ وجديمه وخراباتها بتكون وايد
يمعله واشتريله بعدين يوم ان الميزانيه ماتسمح لك وهو هب لازم يستعيل وكل تاخيره فيها خيره
لان جيه ولا جيه الموتر اللي بتشتريه لازم يباله صيانه وتغير ….ألخ
السلام عليكم
أول شي بالبركه .. و ربي يحفظه لك ….
بس نصيحه الغالي خذله سياره بديها قوي .. القوي رب العالمين
الله الحافظ .. بس الواحد ياخذ بالأسباب … انسى الكورولا و اخوانها …
و ربي يوفقك الغالي