اصبحنا واصبح الملك لله والحمد لله….
احيانا مهما كانت درجة تحملك وسعة صبرك 
…تمر بمواقف تنجبر فيها تفقد اعصابك وتنسى نفسك..وعلى غفلة تتحول الى شخص عنيف وقاسي جدا 
..
وانا في طريجي للدوام على شارع الخيل بدبي…الحركة كالعادة انسيابية على الشارع (متجه لديرة) وسرعة الشارع 120ك/م ومع ذلك اتحس ان السرعة غير مناسبة لحجم الشارع..
دايما اسوق اقصى اليسار والتزم باقصى سرعة محددة..واليوم لقيت قدامي ميني باص (وايد صغيرة نفس النوعية اللي يستخدمونها بعض البيوت حق اغراض الجمعية) على اقصى اليسار….يمشي بسرعة 85 ك/م والشارع ما فيه وايد زحمة..في العادة اغلب السيارات تعطي درب اذا شافوا سيارة قربت منهم….قربنا…ما يحس..ديمت له…هم ما يحس…دقيت له هرن…موووول ما يحس..تميت مهوس عالهرن ولصقت بمبر ابـ بمبر ..الحبيب مطنش ولا معبرني…. مصمم يمشي 85 …همممم
كل المحاولات باءت بالفشل…الاعصاب قامت اتفتف عندي 
والحل؟… مو معقولة اتصل بالشرطة واقولهم تعالوا شوفوا واحد يمشي 85 على شارع سرعته 120 …
يعني ما في حل ثاني غير حل عنيف جدا 
عالج الموقف نفسك بنفسك 
…
تجاوزته وكسرت عليه بقوه 
..كنت بدعمه بس هو طلع برع السيد وجسيت بريك في ويه على طول وكان شوي بيدعمني بس هو جس بيرك وبعد مرع طلع برع الخط….وعلى طول حول الى اقصى اليسار ومشى مثل الناس 
يعني ما اتيي الا بالعين الحمره؟
مو تشجيع مني للتصرف بهذي الطريقة..لكن في مهنده عفانا الله احيانا يجبرونك تتعامل معاهم باسلوب غير حضاري لان هالاسلوب الوحيد اللي يفهمون عليه..
لو كنت في نفس الموقف..كيف بتتصرف؟
ماااااااااابااااااااااااااا
مااااااااااااااباااااااااااااا
ماااااااااااااابااااااااااااااااااا
__________________
اخويه ترى الحركه هاي خطر اللي سويتها عادي اللي هوه ما ينتبه ويدعمك من وراء ، تراهم هبل ما يهمهم شيء ما تشوفهم يموتون افواج في شارع الامارات
اتحمل ع سواقتك ولا تخاطر بعمرك
دايما اتذكر
اهلك ينتظرونك
لا عااد مب لهاي الدرجة ترا ما هي قصة جنسية ، هي سالفة مبدأ ..
..
اذا واحد مسرع مستعيل عنده شغلة معينة ولا عنده موعد ما يبغي يتأخر .. من حقه ياخذ الخط السريع ونعطيه المجال ، سواء كان مواطن او سوداني ولا هندي اياً كان ..مثل ما نرضاه لاعمارنا اكيد بنرضاه لغيرنا
خلج طيووبة شوي ..
تفسحين لهم المجال بتحصلين اجر عليه ان شاء الله ..
ما فينا باجر نشوف الهنود يبدأون يتعصموون ويلبسون غترة وعقال عشان تتحرينهم مواطنين وتفسحيلهم المجال
__________________
ابغي احاول اقتنع ان كاتب الموضوع بنت بس مب قاآآدر ..
انتو متأكدين انها بنت ؟؟ ههههه ما احيد البنت اتعصب جذه وتجاوز ..
حدها اذا حد سوالها الحركة .. بتزيد الطين بلة وبتتنشع الهاند بريك وبتقعد اتصيح ع الخط السريع هههههه
..
سوالف
__________________
بقولكم على شي
انا لما اكون اسوق على الخط السريع … اذا وراي واحد هندي لو شو مايسوي مااقوم
لو مواطن اقوم
المواااااااااااااااااااطن فقط
ولا يخسي هندي يخوزني