اصبحنا واصبح الملك لله والحمد لله….
احيانا مهما كانت درجة تحملك وسعة صبرك 
…تمر بمواقف تنجبر فيها تفقد اعصابك وتنسى نفسك..وعلى غفلة تتحول الى شخص عنيف وقاسي جدا 
..
وانا في طريجي للدوام على شارع الخيل بدبي…الحركة كالعادة انسيابية على الشارع (متجه لديرة) وسرعة الشارع 120ك/م ومع ذلك اتحس ان السرعة غير مناسبة لحجم الشارع..
دايما اسوق اقصى اليسار والتزم باقصى سرعة محددة..واليوم لقيت قدامي ميني باص (وايد صغيرة نفس النوعية اللي يستخدمونها بعض البيوت حق اغراض الجمعية) على اقصى اليسار….يمشي بسرعة 85 ك/م والشارع ما فيه وايد زحمة..في العادة اغلب السيارات تعطي درب اذا شافوا سيارة قربت منهم….قربنا…ما يحس..ديمت له…هم ما يحس…دقيت له هرن…موووول ما يحس..تميت مهوس عالهرن ولصقت بمبر ابـ بمبر ..الحبيب مطنش ولا معبرني…. مصمم يمشي 85 …همممم
كل المحاولات باءت بالفشل…الاعصاب قامت اتفتف عندي 
والحل؟… مو معقولة اتصل بالشرطة واقولهم تعالوا شوفوا واحد يمشي 85 على شارع سرعته 120 …
يعني ما في حل ثاني غير حل عنيف جدا 
عالج الموقف نفسك بنفسك 
…
تجاوزته وكسرت عليه بقوه 
..كنت بدعمه بس هو طلع برع السيد وجسيت بريك في ويه على طول وكان شوي بيدعمني بس هو جس بيرك وبعد مرع طلع برع الخط….وعلى طول حول الى اقصى اليسار ومشى مثل الناس 
يعني ما اتيي الا بالعين الحمره؟
مو تشجيع مني للتصرف بهذي الطريقة..لكن في مهنده عفانا الله احيانا يجبرونك تتعامل معاهم باسلوب غير حضاري لان هالاسلوب الوحيد اللي يفهمون عليه..
لو كنت في نفس الموقف..كيف بتتصرف؟
ياخي أنا بسوي مثلك بالضبط وهذا إذا ما زاد عليه
والله ضغطي ارتفع بسبه ه المهنده وكل مرة يصير فيني موقف ويوم أجاوز ألقى السايق هندي لا وفوق هذا بعد تلقاه محصل الليسن بعد 20 محاولة…
والله بردت فوادي… خبرني بس كم رقم سيارتك…
تحياتي لك
تصرف سليم…
مشكور اخوي على مرورك الطيب…
__________________
اهم شي بالتدرج..وعقب الضربة القاضية..
مشكور اخوي على مرورك الطيب…
__________________
‘
هههههههههههههههه
اذكر مررة كنت ع الخط السريع وكان الشارع معطاي 100 وانا كنت اسوق 90 تقريباً لاني كنت ارمس بالتلفون..
وشوي الا اشوف موتر لاصق ورآآي وظارب FULL ديم .. ويوم شفت بالجامة .. شفتها وحدة قلت خلاص ما بخوووز >> عيب الريال يعطي مجال لـ بنت .. ها الشي ينقص من رجولتنا ههههههه
لا نسولف وياج ..
بس انا ما عطيتها درب لاني قلت شوي وبخلص المكالمة وعقب بنمشي ع السرعة القانونية وزيادة
.. واخاف لو عطيتها درب ” تدرون سواقة الحريم يمكن تتجدم وعقها بتسوق ع الـ 70 و الـ80 ..
..
المهم البنت عصبت جاان تجااااوز وما سوت شي ..
غير انها قامت تختبر الهرن عندها ” تشوف كم المدة اللي يستحمله الهرررن من الضغط المتواصل لحد ما ينقطع الصوت هههههه.. ” ..
اسميهن الحريييم هاي الايااام بسرررعة >> ”
” .. ههههه..
__________________
انا ما اتجاوز من اليمين
انا اقسم السيد بيني وبينه والز عليه اما على اليمين او على اليسار وعقب ما اتجاوز عنه اضرب بريك كم من مره
وعقبها اتوكل
واقول
دع الخلق للخالق