اصبحنا واصبح الملك لله والحمد لله….
احيانا مهما كانت درجة تحملك وسعة صبرك 
…تمر بمواقف تنجبر فيها تفقد اعصابك وتنسى نفسك..وعلى غفلة تتحول الى شخص عنيف وقاسي جدا 
..
وانا في طريجي للدوام على شارع الخيل بدبي…الحركة كالعادة انسيابية على الشارع (متجه لديرة) وسرعة الشارع 120ك/م ومع ذلك اتحس ان السرعة غير مناسبة لحجم الشارع..
دايما اسوق اقصى اليسار والتزم باقصى سرعة محددة..واليوم لقيت قدامي ميني باص (وايد صغيرة نفس النوعية اللي يستخدمونها بعض البيوت حق اغراض الجمعية) على اقصى اليسار….يمشي بسرعة 85 ك/م والشارع ما فيه وايد زحمة..في العادة اغلب السيارات تعطي درب اذا شافوا سيارة قربت منهم….قربنا…ما يحس..ديمت له…هم ما يحس…دقيت له هرن…موووول ما يحس..تميت مهوس عالهرن ولصقت بمبر ابـ بمبر ..الحبيب مطنش ولا معبرني…. مصمم يمشي 85 …همممم
كل المحاولات باءت بالفشل…الاعصاب قامت اتفتف عندي 
والحل؟… مو معقولة اتصل بالشرطة واقولهم تعالوا شوفوا واحد يمشي 85 على شارع سرعته 120 …
يعني ما في حل ثاني غير حل عنيف جدا 
عالج الموقف نفسك بنفسك 
…
تجاوزته وكسرت عليه بقوه 
..كنت بدعمه بس هو طلع برع السيد وجسيت بريك في ويه على طول وكان شوي بيدعمني بس هو جس بيرك وبعد مرع طلع برع الخط….وعلى طول حول الى اقصى اليسار ومشى مثل الناس 
يعني ما اتيي الا بالعين الحمره؟
مو تشجيع مني للتصرف بهذي الطريقة..لكن في مهنده عفانا الله احيانا يجبرونك تتعامل معاهم باسلوب غير حضاري لان هالاسلوب الوحيد اللي يفهمون عليه..
لو كنت في نفس الموقف..كيف بتتصرف؟
مرة كنت في مدينة أوربية في حارة فيها شارع خط واحد فقط.
أحد الشبان أوقف مركبته بمنتصف الشارع ونزلت من المركبة صديقته وأخذت ضعف الوقت في السلامات لصديقها السائق!
وقف خلفه حوالي عشر سيارات إلى أن انتهت عملية التوديع بين الشاب وصديقته.
في وقتها لم أسمع صوت زمور واحدة من المركبات الواقفة خلفه!!
وقتها فقط عرفت معنى احترام الغير ولو كان على خطأ. وأتمنى أن يعرف الجميع أن الطريق ليس ساحة معركة وإنما هو من حق الجميع ومن يسيء استخدام الطريق فلسنا شرطة ولسنا رب العالمين حتى نحاسبه على أخطاءه!
للأسف الجميع يرمي بالأخطاء على الشعب الهندي. وينسى أن أعلى نسبة وفيات بحوادث المرور هي للأسف من نصيب أبناء الوطن المواطنين:
القيادة العامة لشرطة دبي
والله زييين تسويييبهم الهروووم
دييم لو ماخاز الصق فييه وخل الييت يضرب في جامته الطرفانه ولاتشل اييدك عن الهرن لو مانفع تعال يميه ولصق موترك فموتره ودور جدامه ودح بريييك بتلقااه لو كان عنتر بيرد يسار والله عن تجربه … لانه قوم بونقطه يقهروون يتحروون عمارهم ملكووو الشارع والي يقوول الشيبه ولا العايله ولا واحد مرييض يبيين منو فالمووتر تراه ولازم ياخذوون يسار لو مابيسرع …
أكره شي في الشارع .. يوم جدامك هندي و كل شوي يدح بريك … و إذا زحمه و الشارع ما يمشي ايسير يمين و ايرد نفس الشارع اونه الشارع رد يمشي و محد مسوي الزحمة غيرهم من الحركات اللي ما اتحملها …
لكل مدينة طريقة تقسيم للشوارع تحكم طريقة القيادة فيها ..
مثلا شوارع دبي غير عن بوظبي وعن لشارجة ..
وعشان هالشي تسمع واحد من دبي يقولك لسواقة في بوظبي صعبة .. ولجماعة مايعرفون يسوقون هناك او لعكس ..
بخصوص موضوع لقوانين .. ولسالفة الي صارتلك تراها دوام تصير مع كل حد .. وزين سويت فيه .. تقريبا نفس ردة فعلي فهالمواقف ..
بس بكون صريح وياكم .. احيانا تستويلي بالعكس .. يعني انا الي اسوق واكون بالسرعة لقانونية .. وتحصل حد داش عليك يديملك ومايعطيك فرصة تلحق تاخذ ليمين .. فهالحالة انا اعاند .. وخليه يديم لين باجر او يتجاوز عني ..
عاد هالحركة ما انصحكم تجربونها .. لانها تنرفز الي وراكم … وخاصة على خط دبي – بوظبي .. ماشي تفاهم ابدا ..
جربتها اكثر عن مرة وما نفعت .. اكون ماسك خط ليسار .. وماشي 170 .. يعني فوق لسرعة لمسموحة .. اطالع لمنظرة اشوفلكم حد يديملي من بعد مليون .. ولا رمشة عين ولحبيب لاصق فيني .. (عاد هايلة اكثرهم راعين فتك معدل) .. ما تلحق تعطي اشارة بمين ما تلحق تاخذ درب عاليمين .. ولا لحبيب خط اصفر .. عاد لمنطقة لصفرا ما تكفي موتره .. يعني ماخذ من لخط الي انا امشي عليه ويسحب من صوب ليسار غصب .. واشوية بيدعمك ولا يدعم حافة لشارع … تقول يمشون 260 ..
الله لمستعان ..
منو متضارب مع حرمته ومتفيق يمشي 60 ؟
والي فيه فوبيا وخوف وارتباك غلطان الي عطاه ليسن، لان عنده عذر طبي ما يسوق.
وعقبال يخلونا نركب هالدعاميه انشالله يا رب.