اصبحنا واصبح الملك لله والحمد لله….
احيانا مهما كانت درجة تحملك وسعة صبرك 
…تمر بمواقف تنجبر فيها تفقد اعصابك وتنسى نفسك..وعلى غفلة تتحول الى شخص عنيف وقاسي جدا 
..
وانا في طريجي للدوام على شارع الخيل بدبي…الحركة كالعادة انسيابية على الشارع (متجه لديرة) وسرعة الشارع 120ك/م ومع ذلك اتحس ان السرعة غير مناسبة لحجم الشارع..
دايما اسوق اقصى اليسار والتزم باقصى سرعة محددة..واليوم لقيت قدامي ميني باص (وايد صغيرة نفس النوعية اللي يستخدمونها بعض البيوت حق اغراض الجمعية) على اقصى اليسار….يمشي بسرعة 85 ك/م والشارع ما فيه وايد زحمة..في العادة اغلب السيارات تعطي درب اذا شافوا سيارة قربت منهم….قربنا…ما يحس..ديمت له…هم ما يحس…دقيت له هرن…موووول ما يحس..تميت مهوس عالهرن ولصقت بمبر ابـ بمبر ..الحبيب مطنش ولا معبرني…. مصمم يمشي 85 …همممم
كل المحاولات باءت بالفشل…الاعصاب قامت اتفتف عندي 
والحل؟… مو معقولة اتصل بالشرطة واقولهم تعالوا شوفوا واحد يمشي 85 على شارع سرعته 120 …
يعني ما في حل ثاني غير حل عنيف جدا 
عالج الموقف نفسك بنفسك 
…
تجاوزته وكسرت عليه بقوه 
..كنت بدعمه بس هو طلع برع السيد وجسيت بريك في ويه على طول وكان شوي بيدعمني بس هو جس بيرك وبعد مرع طلع برع الخط….وعلى طول حول الى اقصى اليسار ومشى مثل الناس 
يعني ما اتيي الا بالعين الحمره؟
مو تشجيع مني للتصرف بهذي الطريقة..لكن في مهنده عفانا الله احيانا يجبرونك تتعامل معاهم باسلوب غير حضاري لان هالاسلوب الوحيد اللي يفهمون عليه..
لو كنت في نفس الموقف..كيف بتتصرف؟
ياجماعه ما انصحكم بسالفة البريك من جدام لاني والله ذكرت سالفه وقاعد اظحك عليها من 5 دقايق , المهم انا مره الظهر ظربت بريك ووراي بيكب يوم ظرب بريك انجلب شكله التاير انفجر ههههههه المهم انا ماكنت معصب ولا شي بس انا تفاجات بتحويله المهم اني اتصلت للشرطه وطرشوا اسعاف و بوهنيده ماياه شي بس عندي حل بدون بريك ,, الله يسلمكم عندي سياره معدلنها ركبتلها هرن قطار في الدبه و سلندر ينفخ على ظغط 200 psi عشان افجر مخ اللي يرفع ظغطي هههههه
اعرف حد توفى رحمه الله ان شاء الله بسبب هذه الحركات…تجاوز في النفق و بسرعة كبيرة الى ان فقد السيطرة على المركبة و ضرب الحاجز الاسمنتي و فارق الحياة…البعض بيقول انا اسوق عدل و عندي خبرة….اللي كنت اعرفه كان يقول نفس الشي و كان متهور و يسوق بسرعات كبيرة و خبرة سنوات في القيادة و حتى سباقات في ام القيوين…يوم تفقد السيطرة على المركبة ما بينفع اي شي وياك…لانة المركبة سوف تتحكم فيك و ليش انت..لهذا سميت ” فقدان السيطرة” انسان ضد مركبة حديدية وزنها طن و نص و تسير بسرعة كبيرة….انت تختار
لا حول ولا قوة الا بالله
بصراحة انصعقت من الموضوع والردود
يعني اللحين اسالكم سؤال يال اخواني واخواتي الكرام…
اللحين لو كل واحد فيكم نفذ اللي في راسه من هذ التهور …..ولا سمح الله سوى حادث وتوفاه الله
شو فكرك يكون موقفك اما الله تعالى……شهيد ؟؟!!!
صدق ردو على حسب فقهكم بالدين