السلام عليكم ورحمة الله وبركاته
حبايبنا أعضاء ومشرفي وإدارة منتدى الإمارات للأوراق المالية …
أسعد الله أوقاتكم جميعاً …
من فضلكم … نريد أبيات شعر .. ويفضل نبطي .. يعني لا شعر تفعيلة ولا شعر منتظم …يعني مو باللغة العربية الفصحة … عشان ما نخربها …
واللي عنده شي من بنات أفكاره ياليت يتحفنا ..
أو حتى أبيات ملطوشة ..ما يهم … المهم تشاركوا ..لا هنتوا ولا عدمناكم
وإذا ما عجبتكم الفكرة ياليت الموضوع ينحرق ..ويكون في عداد المحذوفين …
والبداية أنا لطشت بيات وحرفت فيها ..
وطلعت معي بهالشكل … 
:
وجودي هنا خدر القلب تخديــر
ومنّه عيوني قد تزايد سهرهــا
عطني على ما قلت للوضع تبرير
عطني فداك الفاتورة واللي دفعها
احذر تسمّع يا منتدانا للغيــر
بالك هل النمات تمشي بثرهـــا
ترى عواد ما حصل منه تقصير
مير الظروف القاسيات تخبرهـا
هويتك يا منتدى بكثر المشـاوير
يا نور عينى كان يضعف بصرها
ترى وجودي هنا خدر القلب تخديـر
وغصون مواضيعك لا تقطع ثمرهـا
وسلامتكم ….
طال عمرك والله يسلم قلبك الشيخ
ومني اجمل التحايا لكل من يشارك في هذا الفصل الرائع الجميل
أبيات أحبها ومعظمكم يعرفها ..بس السموحة ما بعرف وش اسم الشاعر …
بس غناها مطرب إسمه علي الكيبالي …
ياغير ياللي كامل احساس = دارس هوى الاشراف بونه
بالروف يابوعود مياس = ياعود موز(ن) في غصونه
لك منزل(ن) في القلب حساس = مفتوح بابه تسكنونه
محد غيرك فيه جلاس = يامهزع الخافي فنونه
شفت البدر مابينجلاس = الله اكبر من عيونه
يابو هدايب سمر ناعاس = فتان مغرني فتونه
لانك جميل ووصفك الماس = لي يعجز الطواش دونه
لو عاذلوني جملة الناس = مااسمعت قول(ن) يعذلونه
منك ابد مابقطع الياس = وعهد الوفا لازم اصونه
وحبك رفعته تاج عـ الراس = وعندي ولا يرخص زبونه
لاباس يالمضنون لاباس = راضي بحكم(ن) تحكمونه
وسلامتكم ….
سلمت ولا هنت يالطيب … وفقك ربي .. ولك جزيل الشكر على إثراء المضوع بالأبيات الجميلة …وتحية كبيرة لك
كيف تشكي دوم وحداني }{ كيف تشكي بعد مضنونك
كيف وانــــا دوم ولهــــاني }{ أرتجي وصلك مـن اظنونك
ليــت تدري كـم تعبـــاني }{ ليـت تـدري بحـال مفتونك
يا حبيـبي صـدك أشقاني }{ لدنـي وامسيـت مجنونك
كم رسلت ولا خبر ياني }{ كم وصلت وحالت احصونك
المحبه عطـف واحساني }{ هوب تتجنى وعلى هونك
اخوكم J.A