كما هو معروف ان اليوكن الدينالي يختلف عن اليوكن العادي في الشكل قليلا وذلك لوجود بعض الاكسسوارات الاضافيه فيه مثل مقابض الابواب وغطاء المرايا الجانبية الكروم والخط الفضي على جانبي السيارة و شكل الشبك الامامي وغطاء فتحة البترول
هذي الاكسسوارات تنباع في الوكيل بن حمودة في ابوظبي لكن غالية
سؤالي هل هناك مكان آخر يبيع نفس الاكسسوارات الأصلية بسعر أرخص ولكم كل الشكر
يالطيب اللبيرتي بأي شارع في الشارجه ؟؟ لاني ناوي اركب شاشة نفجيشن للأكاديا يوم بتوصل
وبالتوفيق إن شاء الله
ياخوي بتحصل عند العمودي في الشارجه شارع bmw
اللبيرتي في الشارجه عندهم كل شي
واذا السالفه مصخت اطلب من ebay
بس اتاكد من نسبة مصداقية البايع
ليش ياخي ادخل ال Ebay وبتحصل الي تبي انا عندي دينالي واشتريتله مليووون حاجة من الانترنت………..حتى الرنجات قياس 22 انش من الانترنت طلعت علي ب 7000 درهم ويا اشحن .نفس الرنجات عند الكابري ب 16000 درهم
أخويه الشامسي بتحصلهن عند كراج الكندي في العوير ارخص مكانهم ورا شركت البولارس مال الدراجات ناس طيبين يكفي انهم بعد وكلاء مثل بن حموده ويفتحون الكتمه بيطير موترك انا فاتح الكتمه الموتر ايب 250 بس شوي تحسبه مب ثابت