السلام عليكم ورحمة الله وبركاته
عندي شرخ صغير في الجامة …
السبب على الخط وأنا أمشي ضربتني حصى صغيره وسوت لي شرخ صغير ……
في محلات تبند هذا الشرخ بالليزر … لأنه لو خليته مع حرارة الجو وضغط السياره بيكبر الشرخ …….. المهم رحت عند البطريق إلي فشارجة قال ماعندي ……
في واحد قالي في محل في دبي أسمه قمة التكلنوجيا (( TOP TECHNOLOGY )) مادري هل يصلح … ووين مكانه
ياليت لو تفيدوني بمكااااااااااااااااان يصلح الشرخ لأني مستأذي منه
في أي أماره من دبي أو الشارجة أو عيمان أو أم القيوين أو رأس الخيمه …..
وكم الوقت عسبت يصلحة …
هذي صورة الجامة ….. وإلي حاب يشوفها أوضح يضغط على الصورة للتكبير
نصيحه يالقناص لاتغير الجامه حتى لو الليزر اغلي صلحها بس لاتبدلها
انا كنت ناوي اخذ رنج يديد 2008 سعره لقطه وقلت ما يباله فحص لاني تقريبا اعرف الريال
لكن قلت احتياطا بسير بشيك عالموتر فالوكاله اكتشف انه مغير الجامه اللي جدام قلت لا لايحوووشك
لانه مثل ما قلت مستحييل تظبط الجامه اللي جدام مهما كان التركيب ممتاز لكن لابد ان يدخل ماي او هوا وانت مسرع يعني لوعة جبد جنك يالس فالشارع
وان شاء الله تحصل مكان يضبط لك اياها
حشى مب أيد تكسرون الباب هههههههههههههه
سوالف ترى عيني باردة
اممممممممممممممممم
أزيدج من الشعر بييييييييييييييييت
لو الجامة مب أصلية من الوكالة خذيتها من المحلات ……… لاسمح الله تعرضت لحادث تنكسر بالكامل
أما الأصلية يوم تنكسر تستوي مثل شبكة العنكبوووووووووت لازقة ببعض بس متهشمه وتحمي السائق
عادي شو المانع … يمكن ما تكون متسبح … وايك الماي وتتسبح … النظافه من الايمان …
وبعدين صح ذكرتني … ابويه قد غير الجامه لانه راس اخويه ضرب فيها وبدلها … المهم كم مره استخدمناها يوم نسكر الباب تتحرك الجامه ولين اليوم
ولين باجر
أدفع أكثر وتتم الجامة مكانها
روحي شوفي كيف يوم يجلعون الجامة ….. طبعاً مستحيل مستحيل ينظف السلكون القديم ….. ومستحيل مستحيل عنده سلكون نفس مال الوكالة … ومستحيل يكون شغلة مضمون ……..
مافيني على صدعة الراس …… لو أحصل بالليزر بسوي …. أما تبديل جامة مب مستعد أغامر ……
أعرف واحد من ربعي عنده أسيشن شكلة روعة أستاندر وغاوي بس يوم يروح يغسل السياره يدخله ماي فوووق صوب الجامة خخخخخخخخخخ عاد في المطر حدق ولا حرج …… شو الله كالفني أسوي شراته وعقب أبتلش بالماي و صوت الهواء
جاري البحث عن مكان شغلة مضبووووووووط بالليرز