خواني صارلي كم يوم وانا ادور على شقه صغيره فالمنطقه اللي انا فيها اريد استأجره لاني اريد اسويلي مشروع فيها لكن ماعرفت وين الاقي ومب عارفه اسأل منو….فهل ممكن انه البلديه تساعدني فهالحاله؟؟يعني اتصل البلديه قسم الايجارات واسألهم اذا شي فهالمنطقه شقق للايجار او لا؟؟يعني البلديه هي اللي تكون مسؤوله عن هالشي او جهه ثانيه اللي تكون مختصه؟؟؟

19 thoughts on “وين اقدر الاقي طلبيه ومنو يساعدني”

  1. أم شيخة في لتج حلين وما فيه غيرهم

    يا إما إنتج تكلمين بلدية العين قسم الإجارات وتسئلينهم إذا في شي فاضي بالمنطقة للأجار
    (أعتقد إسم مدير القسم محمد الحارثي) إذا ما كنت غلطان (قسم الأجارات بالبلدية)

    الحل الثاني، هو وضع إعلان في الإتحاد والخليج مدة أسبوع وبإذن الله تحصلين على مكان.

    وبالتوفيق

  2. مشكور اخويه رجل طموح……انا ادري ان مكاتب العقارات عندهم كل شي وفكل المناطق لكن اللي قصدته اني ارد على الاخ اللي قال مكتب عقار فمنطقتكم…..وماظن ان فمكاتب العقار شي للايجار….وانا بعد طرشت حد من الاهل وياب لي رقم شخص مسؤول عن التاجير فهالمنطقه بس قال خلاص الكل مستاجرات ماشي مكان فاظي عشان جي قلت ادور عند حد غير….ماقصرت اخويه على النصيحه وبالتوفيق للكل

  3. أختي الله يهديج كيف ما في مكتب عقارات ..

    أعتقد هالمناطق بامكانج اتحصلين مكتب عقارات جريب حقهم يعني مب شرط ايكون في نفس المنطقه ..
    يعني اي منطقه جريبه اكيد راعي العقارات بيكون عنده كم مكان واكثر من منطقه .. مب منطقه وحده بس .. والا ما بيربح مووول ..

    وبعد اذا انتي حاطه عينج على بنايه معينه بامكانج اتدشين اي محل وتسئلين راعي المحل عن صاحب البنايه وكم الايجار وان شاء الله اطيحيلج على واحد طيب وايساعدج ..

    واسمحيــلي هذا الي قدرت أقوله …

    وبالتــوفيج ان شاء الله ..

  5. جريدة الاتحاد فيها وايد عروض في بوظبي والعين
    وجريدة الخليج وجريدة البيان فيهم عروض في دبي والشارجه

Comments are closed.