السلام عليكم كلكم …. و كل هام و انتوا بخير مقدماً….
طبعاً العيد بعد كم يوم و اكيد الكل سوا خرده حق العيديه حق اليهال 
المهم ….
شو مخططاتكم للعيد 
؟؟؟ وين ناوين اتروحوووون و شو ناوييين اتسوووون 
؟؟؟ اتمنى الكل يشاركنا افكاره و مخطاطه على شان الكل يستفيد منها….
و كل عام و انتوا بخير
أول يوم
الصبح في بيت الوالد الله يطول عمره في بوظبي
العصر في بيت جدي الله يطول في عمره في العين
ثاني يوم
ولين يوم الجمعه
مملكة البحرين
بالبر
تغيير جو
كنا بنسافر بس ما حصلنا حجوزات…
كل سنة نخيم ع البحر..بس لين الحين ما اشوف حد من الربع متشجع..شكلنا بنقعد في كوفي لوول..بشوفهم الليلة اذا بيعزمون على مكان…
اذا الله راد اول يوم بيكون سلامات وتهاني وتبركيات وحب خشوم
وفى المساء رايح ان شاء الله البحرين لمدة يومين
بعدني ماعزمت بنخليها على البركه
وبنشوف الشباب وين بيعزمون
الجو اعتدل
والشتا دخل
والظاهر اني بعيد هنييه