السلام عليكم كلكم …. و كل هام و انتوا بخير مقدماً….
طبعاً العيد بعد كم يوم و اكيد الكل سوا خرده حق العيديه حق اليهال 
المهم ….
شو مخططاتكم للعيد 
؟؟؟ وين ناوين اتروحوووون و شو ناوييين اتسوووون 
؟؟؟ اتمنى الكل يشاركنا افكاره و مخطاطه على شان الكل يستفيد منها….
و كل عام و انتوا بخير
أول يوم العيد نسلم على الاهل
ثاني يوم أحتمال الفجيره أو خصب
ثالث يوم أحتمال نداوم
احسن خطه في العيد هي أن الواحد يلتقي بالأقارب والأرحام اللي غاب عنهم فتره ويجدد الصله والموده ويعوض نفسه ويعوضم عن إنشغاله وأنشغالهم في أيام الدوامات ولا بأس أن الواحد يخصص ثاني العيد للجيران والأصدقاء ترى الوصل زين يالمسلمين
وعن الحواطه لاحقين عليها ترى الدنيا ما بتطير وتقدر تعوض إجازة العيد بأي ويكند
هو شئ إجازة عشان نروح مكان!!!
إجازة قصيرة = البيت
إجازة قصيرة = لا تفكر بأي شئ تسويه
ع العموم كل عام وانتوا بخير
والله اعلم اول يوم بالدوام…
وثاني يووم احتمال كبير الذيد او الفجيره او راس الخيمه…