السلام عليكم
اشحالكم
هالسؤال موجه للشباب
وين تفصلون كناديركم، وممكن البنات يشاركون لو يشوفون اهلهم يفصلون ( ازواجهم، عيالهم، اخوانهم )
يمكن كل فتره تكون موضه او ضجه على خياط معين
ومرت فتره وايدين يفصلون عند العربي الممتاز والمشير ويمكن البعض مازال يتعامل مع نفس الخياط
وحد يقول اصلا هم يفصلون غالي وبدال ماتفصل 3 كنادير بألأف وشي بنفصلهم بأرخص
بس فعلا حد يلبس الكندوره من عندهم بس تكون مرتبه واااااااااااااااااااايد وحد ثاني يسير يفصل عندهم
تكون مبهدله ( شو السبب )
نحن جربنا نفصل حق الصغاريه والكنادير تكون عاديه، هل هم يعطون القطعه خياط ثاني يفصلها
وإلا شو الموضوع ؟؟؟
بإختصار مع اي خياط تتعاملون ؟؟
عشان نلحق نجرب حق عيد الاضحى بإذن الله 
طبعا أنا واحد من اللي يشوفون أن العربي الممتاز ما يختلف وايد عن الخياطين الثانيين ,
بس يمكن الخامات اللي عنده شوي مختلفة الختم وغيره , بس صارت هالخامات موجودة عند الخياطين الثانيين .
وأسعاره غاليه ومالها داعي .
بالتوفيق للجميع .
البنديرة للملبوسات الخليجيه
عنده كل شي
خياط و غتر و وزار و عقال و فانيل
يعني ما يحتاج اعور راسي
ومكان معروف في بني ياس – شاهين سوبرماركت
محل باكستاني في شارع واسط مقابل مستشفى القاسمي
اسمه ابو خلقيه شي جي او ابو خليفه
و العربي الممتاز تعامله فاشل و خقاق و خياطه عاديه
خياط اسيوط بخور فكان
الأميري فالشارجه صوب بحيرة خالد … جربت معظم الخياييط من كل مدن الدوله …بالنسبه لي هذا افظلهم …