السلام عليكم
اشحالكم
هالسؤال موجه للشباب
وين تفصلون كناديركم، وممكن البنات يشاركون لو يشوفون اهلهم يفصلون ( ازواجهم، عيالهم، اخوانهم )
يمكن كل فتره تكون موضه او ضجه على خياط معين
ومرت فتره وايدين يفصلون عند العربي الممتاز والمشير ويمكن البعض مازال يتعامل مع نفس الخياط
وحد يقول اصلا هم يفصلون غالي وبدال ماتفصل 3 كنادير بألأف وشي بنفصلهم بأرخص
بس فعلا حد يلبس الكندوره من عندهم بس تكون مرتبه واااااااااااااااااااايد وحد ثاني يسير يفصل عندهم
تكون مبهدله ( شو السبب )
نحن جربنا نفصل حق الصغاريه والكنادير تكون عاديه، هل هم يعطون القطعه خياط ثاني يفصلها
وإلا شو الموضوع ؟؟؟
بإختصار مع اي خياط تتعاملون ؟؟
عشان نلحق نجرب حق عيد الاضحى بإذن الله 
الصراحة خواني ييبون قطع من السعودية واااااااايد كل مايرووحون يبون تقريباااا 15 الى 20 طوق قماااش بالوان مختلفة و كل مايبون يخيطوون يسيروون المحلااات الي فالسكك العاديو و الله ياحلاة تفصيلهم
و بخصوص العربي الممتاز العرب هبو فيه هبة و منهم خواني كانوا يفصلون من 5 الى 10 كنادير فالشهر و الله انهن لين الحين مكودات فالكبت مالبسوهن الى يمكن مرة وحدة بس و القهر ينطرن من اليوانب
اختي سيري شارع شيخ زايد بعد مركز مزايا خياط جبل عرفات و انتي امغمضة …
موفق بإذن الله … لك مني أجمل تحية .
خياط دار العز بالشارجه تفصيلهم حلو واسعارهم بعد حلوه من تجربة
ما إلك الا المشير … !
خياط المشير فالشارجه عالبحيره .. خامات حلوه .. اسلوب تعامل حلو ..
وتفصيلهم ما عليه كلام ..
اهم شي تختار الخامه اللي تناسبك ..
اما العربي الممتاز .. كان مميز قبل .. جربته مرتين ،،، وتوبه ما ارجع له ..
قبل كان يميزه الخامات اللي ما كانت تتحصل الا عنده ..
والحين تحصلهم في كل مكان ..
جرب المشير .. تراه خطييير خخخخخ >> انفع للدعايه
خياط دبي في دبي