السلام عليكم
اليوم الله يسلمكم كنت اشتري اغراض البيت ومن ضمن المشتريات لبن اب الي كان سعره قبل كم يوم الدرزن ب 5.5 درهم صار ب 8.5 درهم يعني زيادة ب 55% (3دراهم) يعني هل هذا الكلام معقول .
كيف اصلا يزيدو السعر من دون اشعار وبالهنسبة الغير معقولة وبعدين لبن اب شو فيه مكلف حليب مجفف وشوية ملح بعدين لامزرعة ولاخرابيط ولا تكاليف زايدة.
اتمنى فعلا ان الكلام الي نسمعه عن حماية المستهلك يصير فعل موب كلام جرايد
ودمتم سالمين

43 thoughts on “وين حماية المستهلك ووين وزارة الاقتصاد”

  1. والله محد شربنها غير الي عنده عيال
    ولا ويقولو كثرو من العيال
    كيف اذا انا ماعندي بيت
    الايجار غالي
    البترول غالي
    اغراض البيت غالية
    الشغالة زادو رواتبهن البعض
    لا والطامه روح اطلب علاوه أين كان نوعها ما تلاقي غير الطل بويهك
    تعال عاد عند الوافدين آسف الوافدات الي لابسه قصير ومحطيه على ويها أصباغ ناشونال تراها اتحصل الترقية دبل والعلاوات كلها تاخذاها ولا الرياييل منهم حبهم للفتنه بين الموظف المواطن ومديره ولا والي يحصله عاد شوووووووووووووو علاوة تشجيعية على شووووووووو ما ادري

    والله يا أخواني أني راح أغير وظيفتي ثلاث مرات خلال ثلاث سنوات على شان الراتب والله أبا أشتري بيت لاعيالي لأني ما بحصل بيت حكومي إلا اذا عندي واسطة وانا ما عندي غير الله سبحانه وتعالى

    وسامحوني على الاطاله

  3. وقفت على اللبن ؟؟؟

    كل المحلات رفت اسعارها من غير مبرر و لا بعد مب بزياده درهم او 3 الزياده وصلت ل 10 و 20 و اكثر

    ما نقول غير الله يعينا يوم وزيرتنا مشغوله ببيع العطور كان فعل الخير بيوقف عند عطرها
    والي بيسوي هير لا يعلن عنه ابرك عشان الاجر ما يضيع
    كل واحد يدل مكان ما يخلطون العطور و يسوي حق عمره خلطه و يبيعها مع 50% مب 20% لصالح الجمعيات الخيريه و الامراض الخبيثه
    مب 800 بجيبها وهي مب محتاجه و 200 للفقارى وهم محتاجين صج وين العدل
    المهم
    الله يعافينا ويعافي الجميع 🙁 ويعينااااااااااااااااااااااااااااااااااااااااااااا اااااااااااااااااااااااا

    ارجوكم ابي رقم الوزاره بشتكي على محلات بدي شوب 🙁

    وشكرا

Comments are closed.