السلام عليكم
اليوم الله يسلمكم كنت اشتري اغراض البيت ومن ضمن المشتريات لبن اب الي كان سعره قبل كم يوم الدرزن ب 5.5 درهم صار ب 8.5 درهم يعني زيادة ب 55% (3دراهم) يعني هل هذا الكلام معقول .
كيف اصلا يزيدو السعر من دون اشعار وبالهنسبة الغير معقولة وبعدين لبن اب شو فيه مكلف حليب مجفف وشوية ملح بعدين لامزرعة ولاخرابيط ولا تكاليف زايدة.
اتمنى فعلا ان الكلام الي نسمعه عن حماية المستهلك يصير فعل موب كلام جرايد
ودمتم سالمين

43 thoughts on “وين حماية المستهلك ووين وزارة الاقتصاد”

  1. اسمحو لي اشارك اولا انا مب صاحب هالنك هو مال ربيعي وجزاه الله خير سمح لي ان استعمله واشارككم بهالخبر الحلوووو.

    قبل كمن يوم اشتريت سامان البيت ومن ضمن الاغراض
    الشي الي ما يخلو منه اي بيت امارتي تقريبا العيش(ولله الحمد)

    وطبعا اظني الكثير منكم يعرف رز ابو سناره المشهور بنكهته الطيبه وحباته الكبير (يسوي داعايه)ههه

    المهم كان 40 كيلو بسعر 124 درهم حسب ما كنت اشتريه من اسواق عالم الموجوده في بوظبي

    المهم اخر مره سالت عنه قالي الوكيل وقفه ونزل بداله اكياس 20 كيلو فقط

    قلته مب مشكله الكيس بكم قالي 68 درهم ______؟؟؟؟؟؟

    يعني احسبوها 68 الاربعين كيلو بكم 68+68=136 درهم يعني بزايد 12 درهم ؟؟؟؟

    ليش ووين هالوزراه الي كلها رمسه بس ؟؟؟؟

    مب هذا بس اشياء وايده زيادتها درهم درهمين

    الله الستعان

    والسموحه على التقصير

  3. مشكورين اخواني على تفاعلكم وانا افكر اسوي عطر واسميه باسم منتدانا الغالي وببيعة ب 1500 ونسبة 0.00000001% بيكون مخصص لاعضاء المنتدى 🙂 والباقي حقي….خخخخخخخخ 🙂
    اخت سجايا شككتيني في نفسي لاني البارحة شاري اللبن من الدكان واليوم زيادة في التاكيد رحت كارفور قالو ان الادارة وقفته لان سعره ارتفع وانا اتكلم عن امارة ابوظبي والبارحة خربطت في سعره لانه ب 8 دراهم موب 8.5 وآسفين عالخطأ

  4. اعتقد 20% من الارباح يعني بيقولون ان تكلفة العطر 600 درهم وصافي الربح 400 درهم

    والـ 20% بتكون 80 درهم

  5. اخوي معصب الصراحة 3 دراهم مبلغ بسيط لكن موب لهم حق فيهن وهذا يعني ان كل الشركات بترفع اسعارهن مرة وحدة .
    اخوي king dubai مثل مايقول المثل لاحياة لمن تنادي.
    اخوي الطائف المأنوس المشكلة موب في محل محدد هذه مشكلة في شركة رفعت اسعارها يعني اكيد حماية المستهلك عندهم خبر مايحتاي حد يخبرهم لانه عام في كل محل وجمعية في الدولة

    لا اخوي فتى الصحراء 3 دراهم ليس بمبلغ بسيط يعني 3 دراهم من 5.5 دراهم السعر الاصلي من المنتج يساوي 55%
    يعني لو كل شركة الغالي قامت زادت 55% في اسعارها صدقني لو يكون مدخولك ثلاث اضعاف مدخولك الحين ما راح تقدر تشتري الاشياء لي كنت تقدر تشتريها اول

    هاي صحيح لا حماية المستهلك ولا وزارة الاقتصاد تقدر تمنع الزيادة
    من يقدر ان يمنع الزيادة هم المستهلكين و الجمعيات التعاونية الكبيرة
    مثل ما عملت جمعية ابوظبي التعاونية منعت التعامل مع اي شركة البان ترفع اسعارها

Comments are closed.