السلام عليكم
اليوم الله يسلمكم كنت اشتري اغراض البيت ومن ضمن المشتريات لبن اب الي كان سعره قبل كم يوم الدرزن ب 5.5 درهم صار ب 8.5 درهم يعني زيادة ب 55% (3دراهم) يعني هل هذا الكلام معقول .
كيف اصلا يزيدو السعر من دون اشعار وبالهنسبة الغير معقولة وبعدين لبن اب شو فيه مكلف حليب مجفف وشوية ملح بعدين لامزرعة ولاخرابيط ولا تكاليف زايدة.
اتمنى فعلا ان الكلام الي نسمعه عن حماية المستهلك يصير فعل موب كلام جرايد
ودمتم سالمين
43 thoughts on “وين حماية المستهلك ووين وزارة الاقتصاد”
Comments are closed.
والله حالة
زيادة الاسعار من صوب
لبن اب فووووووووق
حتى الآن ما قدروا يتحكمون في مخابز يدوية سعر الخبز 75 فلس
رسوم السالك من صوب
شو استفدنا من الراتب
في النهاية ولا شـــــــــــئ
شفط اموال الناس بشتى الطرق
هي اختي العذوب صدقتي تدرين قبل الشهر الي طاف
مب هالشهر يعني يوم كانت الاخبار عن الزياده بعدها
طاازه رحت محل خضروات وفواكه قلت له ييب درزن موووز كان ب6 راهم
عاطاني الدرزن ومديت ايدي بالعشر رد الريال لي درهم واحد قلت له ليش الدرزن مب بست قال لي خبرك عتيج الدرزن ب 9 دراهم قلت ليش ؟؟؟
قال دنيا كلو في زايده نحن ليش ما يسووي زياده مواطن الحينه راتب مال
هو في زياده واجد فلوووس
مافي مشكله زياده 3درهم
لاحول ولاقوة الابالله
والله يا أخواني أنا كل شهر كنت آخذ راشن البيت بحوالي 1800- 2000 درهم
مع العلم إن ولا شخص زاد راتبه في بيتنا.. الوالدة تستلم تقاعد وأنا في الاعلام وأخوي في الشرطة يعني كلنا خاااارج نطاق زيادة الرواتب ..
المهم زادوا رواتب المحليين عليهم بالعافية ويعلهم في زود من الحلال دايم
اللي صار إن احنا الاتحاددين كلنا تبن .. استوت مقاضينا الحين بــ 3000 درهم وزيادة .. وهي كلها الأمور الأساسية للحياة
احنا موب 3 أو 4 أشخاص .. أنا أرمس عن بيت فيه 15 شخص أغلبهم يهاااال وطلبة مدارس .. شو نسوي يعني ؟؟