بسم الله الرحمن الرحيم
في البداية وقبل ما ادخل فالموضوع حبيت اقول كلمة ” الله يرحم زايد بن سلطان ال نهيان ويدخله فسيح جناته ويطول عمر شيوخنا ويديمهم فخر وعز لبلادنا ”
……………………
من اسم الموضوع يبن اني اتكلم عن اهل الامارات بدون استثناء سوا كان في الغربية او الشرقية او الشمالية او اي مكان عالخريطة زايد المهم ياشباب ما تلاحظون ان شباب الامارات في الوقت الحالي دخلت عليهم معتقدات غربية غريبة تروح المولات تشوف شباب لبسين الجنز والشعر اصفر واحمر الله يرحم ايام اول يوم كان الريال يفتخر بكندورته وعقاله بس الحين نشوف العكس يوم تسال ليش يقولون موضه مدام موضه ليش الغرب مالبسو كندوره وغترة وعقال مثل انتو مالبستو الجنز اما المشكلة الثانية الله يهديهم الجنس الثالث شو اسباب انتشار الجنس الثالث هل من قلت الدين او من التربية او من وقت الفراغ محد يقدر يجاوب غير شخص عايش الحلة انا من وجهة نظري ان الفلوس تغير النفوس بس بعد في شباب ونعم فيهم ويقدر الواحد يعتمد عليهم ولو مب هالشباب كان ما شفنا الامارات مثل ما هيه الحين والفضل كله الله ثم شيوخنا ثم شباب لبلاد الله يحفضهم .
طبعا ما بنسا البنات بس حبيت ابداء بشباب عشان ما يعتبرون البنات كلامي من باب العنصرية البنت اول تنش من صباح الله خير وتخبز وتنظف اما البنت فالوقت الحالي تسهر لين الصبح وتهتم للبلاك بيري والمسن والشات اما العباية لي تم اختراعها عشان تستر صارت تفضح وصارت انواع منها الفراشة وباجر الخفاش والله يستر بعد شو بيطلع شئ يديد ومثل ما قلت لشباب اقول للبنات هالكلام مب لكل البنات انما لبعض البنات اما الباقي الله يخليهم لهلهم وبلدهم .
راح الزمان اللي كان فيه الخير يبين في ويه الواحد
اللحين احيانا مانعرف منو المواطن ومنهو الاجنبي
الحمدلله رب العالمين
مشكور عالمرور وشو بتقول غير الله يهديهم
ثانكس حبوب وها من الغيرة علي هالبلاد وشباب هالبلاد وبناتها
اناا ماقهرني غير هالفئه الي صاروا يقلدون الزلمات الله كنا نضحك على الكويت انه لبسهم كله بناطيل سبحان الله الحين الامارات تروح دبي ولامواطن يلبس كندوره ماتميز الزلمه عن المواطن عن البنغالي عن الهندي كلهم نفس اللبس ؟؟؟
حرام والله لبسنا من احلى الملابس الامارات الدوله الوحيده الي تقدر تنوع في لبس الكنادير تلبس كويتي سعودي قطرى الوان على كيفك ماعندنا لبس واحد حتى الاقمشه وايد متنوعه عندنا هب قماش واحد
مادري ليش طايحين في هالسروايل والبناطيل لابعد كلها ضيقه
الله المستعااااااااااااااااااااااااااااان
تسلم اخوي بارك الله فيك
الصراحة مواضيعك حلوه ياراعي الكلوزر
وكتابتك للمواضيوع تحمس الواحد انه يقرا
وبنسبة للجينز , ماقد لبسته عمري
الا يوم سافرت برع البلاد
تسلم ..