السلام عليكم ورحمة الله وبركاته …
اول شي كل عام وانتم بخير وعساكم من العايدي يارب …
تدرون اجازه والواحد وده يطلع من هالزحمه والتعب في دبي .. وناوي أسير العين …
اخر مره سرت العين يمكن قبل خمس سنين 
ودي أسيرها وخصوصا الفندق اللي على جبل حفيت ( اظن اسمه ميركوري؟ )
وين الاماكن اللي الواحد يقدر يسيرها في العين بهالاوقات وتصلح حق لعيال ؟
ومشكورين اخواني وخواتي مقدما …
أنا يوم أروح
جبل حفيت
مبزرة وشاليهاتها
خطم الشكلة
ومرات نقعد شارع الفوعة اليديد بس ماينفع لعوايل حق شباب أوكي شرات الورقة في دبي ….
أنا عن نفسي ماجربت إلى فندق روتانا شي مرتب
ومره ماحصلت حجز مول مول ….. خذيت في الماسة لشقق الفندقية …… بعد أوكي
المشكله الوحيدة
أنه فتره العيد … كل الهنود والباكستانية إلي فشارجة وعيمان ودبي …. كلهم رايحين العين ومخربين الأجواء …. كل عيد نفس الحالة
1- جبل حفيت
2- مبزرة وشاليهاتها
3- عين الفايضه وشاليهاتها
4- حديقة الحيوانات
5- الفنادق : الانتركنتننتال , الهليتون , روتانا , ميركوري
6- العين مول والجيمي مول .. فيهن مطاعم
بالتوفيييىء يا توفيييء
كنت افكر اسير حديقة الحيوان … ومشكور اخوي على الرد …
بس وين القى مطاعم زينه وهاديه وفيها قسم للعوايل؟
مبزرة … وفي العيد >>>> الله يعينك
الهنود بالكيلو ، ما بتحصل مكان تيلس فيه
إذا بتاخذلك لفه بالسيارة زين
ونفس الشي في حديقة الحيوانات
ما تروم تشوف شي
العين مول حلو وزحمته خفيفة ومناسب للعيال
ومثل ماقال الأخ ، يكفيك تمشي في شوارع العين وتستمتع بالطبيعة
لكن الشباب الله يهديهم
صواريخ مب سيارات عندهم
مرحبا اخوي بتنور العين بكم .. وزحمه العيد في العين ما شفت مثلها من قبل … الهنود تارسين المكان ..
انصحك تسير مبزره وعلى البحيره حلوه لليهال .. بس الصراحه الزحمه ما تنطاح هناك والله يعينك..
وحديقه الحيوان..
وعندك العاب هيلي ..
ولا تنسى تمر على العين مول ينفع انك تخلي عيالك يتزلجون والا يسيرون الالعاب.. وانت وزوجتك تيلسون في المقهى …
وبعد لا تنسى تمر على عين الفايضه.. وغيرها عندك اسواق الزعفرانه والجيمي واسواق المويجعي ..
وعندك الحدايق تارسه العين وبامكانك تسوي جولة بالسياره في شوارع العين لاني احس ما امل وين ما رحت في شوارعها من حلاتها ..
والله يدوم علينا نعمه الفكاك من الزحمه ..