السلام عليكم ورحمة الله وبركاته …
اول شي كل عام وانتم بخير وعساكم من العايدي يارب …
تدرون اجازه والواحد وده يطلع من هالزحمه والتعب في دبي .. وناوي أسير العين …
اخر مره سرت العين يمكن قبل خمس سنين 
ودي أسيرها وخصوصا الفندق اللي على جبل حفيت ( اظن اسمه ميركوري؟ )
وين الاماكن اللي الواحد يقدر يسيرها في العين بهالاوقات وتصلح حق لعيال ؟
ومشكورين اخواني وخواتي مقدما …
الدرب للفندق فوق مب لهالدرجة
عاد ماقاصر غير تقولون عادي اليهال يرقدون من طول الدرب لول
صح مب قريب بس مب بعيد
و وناسه وانت طالع فوق يعني مناظر حلوة =)
اخويه مضارب تبغي نصيحة ؟
لا تيي العين إلا لو تبغي الهدوء وانصحك بالفندق الي فوق اليبل
لنه أحلى مكان فالعين هو مبزرة وزحمه فيها وايد
وإذا عالمولات والحدايق عندكم مولات فدبي
وحديقة الهيلي مصدية
وعين الفايضة مغبره
عن يزعلون اهل العين ترى انا بعد من اهلها
واجازة سعيدة اخوي
تونا رادين من العين لووووووووووول
اوووف المبزره وايد زحمه هممم حتى مول العين .. حتى نحن غيرنا الدرب بدل المبزره سرنا جبل حفيت و بدال مول العين رحنا الجيمي !!! بس تبا الصراحه جوهم طررررررررررر
بالتوفييج يالغالي وشوف بخصوصو الفندق الي فووق اليبل الصراحه انصحك فييه بس وايد بعييد بتتعب انته هلك لين ماتوصلوون مدوخيين ولا تنسا الصغاريه بيملوون ومثل ماقال الاخ لو فخاطرك شي من البلاد لازم تظرب خط وتشل الصغاريه طالع نازل ….. انا سكنت فروتانا الصراحه راقي وعائلي والهلتون عندك بعد
بخصوص مطاعما لشارجع علييك ببر وبحر ولا قييصر الي على البحييره بعد خياط المشيير الصراحه فييه كبينات عائليه وشي محترم وهالمطاعم الي ذكرتها ماتنفع للعايله … والسموحه
الحين زمزم والا كبابي .. والا اتم على قوس قزح ؟
اتصدق اخوي متعني .. انا قاصد ميركوري عشان الهدووووووء … تيلس فووووق في العلالي وتكتب لك كم بيت شعر في الجو الهادي .. وبعدين تقطع الورقه هههههههه وترجع دبي وانت مريح
لالالالالالالالالالالا زمزم مب شي عليك بامطعم كبابي الجديم