السلام عليكم اخواني
اشحالكم عساكم بخير
بغيت أعرف وين يبيعون الدراجات الهوائية لاني الصراحة من زمان وانا أفكر اني أسوق دراجة هوائية أتذكر أيام زمان أيام البيمكس (( أيام الطفولة )) منها رياضة ومنها تغيير عيزنا وحنا كله نسوق هالسيارات
وبغيت أعرف عدة الدراجات بعد وين تنباع ( خوذة , لبسه خاصة بالدراجة , جوتي , وووووو غيرها
أتمنى من اللي يعرفون لا يبخلون علينا ويخبرونا وين ولو شي صور لها الدراجات بعد يكون زين
وتسلمون ويعطيكم العافية
:habeet:
والله يالدنيا مخلصين عيش الدوله وما يعرفون وين ينباعن السياكل جانك فالعين بتلقاهن غربي جمعيه العين التعاونيه وان جانك فدبي بتلقاهن ترا دبي كل شي فيها
أخوي الطيب لو ترغب بشراء دراجة هوائية عندك أربع أنواع منها :
1) بايك رود : مخصص بالسير فقط على الطريق المعبد (القار) 0
2) بايك رود أند ماونتين : مخصص بالسير على الطريق المعبد وأيضا الطريق الغير معبد 0
3) بايك ماونتين (يعني جبلي ورملي) : مخصص هذا النوع بالسير في المناطق الجبلية والرملية 0
4) بايك فيت : مخصص للرفع الدراجة الهوائية وعمل الحركات البهلوانية 0
أماكن بيع مثل هذه الدراجات :
دبي : علي شارع الشيخ زايد بالقرب من وكالة الطاير للسيارات وأسم المحل WOLFIS BIKE ورقم الهاتف 3394453/04
دبي : محل GO في محلين الأول في مركز أبن بطوطه والثاني في مول الأمارات
دبي : منطقة العوير الصناعية بالقرب من محل دوبايك وأسم المحل BIKE RACK ورقم الهاتف 2682322/04 ــ 5744744/050
الأسعار :
* تختلف الأسعار حسب المواصفات : يعني إذا أردت دراجة و بوزن خفيف أقل من كيلو ونصف الكيلو ومن النوع فول كربون فايبر وذات سرعه عالية نوع SHIMANO يطلع سعرها ما يقارب 45.000 درهم 0
* أما الأنواع الأخرى بإمكانك أن تشتري دراجة إبتداءا من سعر 1600 درهم ولغاية 21.000 درهم وأكد عليك بأنه يختلف السعر حسب المواصفات 0
إذا معزم تريد تشتري إلحين إلحق للمحل GO الموجود بمول الإمارات ، أبن بطوطه عنده تنزيلات بنسبة 50%
وأي أستفسار أنا حاضر والسموحه على الإطالة بالموضوع 0
معقوله فيه شخص في 2007 ما يعرف وين ينباعن السياكل
اكيد تمزح
ولا تجس نبظ الشباب
وتعيدهم للذكريات
خاصة BMX
والله زمان
موضوع على الوتر الحساس
مشكورين أخواني على المرور والتفاعل ويعطيكم العافية
السلام عليكم اخي الكريم ….
فيه محل اسمه الجمال للدراجات في دبي (( القصيص )) فيه طلبك ولكن اسعاره ضو ……..
تحياتي