اكيد انكم اتعررفون القصة وهذي قصيدتها لولدها لما كانت بالمصحه (دار العجزه )
وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا
منقول
حرقت قلبي …..
يا خوي مصمم لو تزور دار العيايز تشوف
وتسمع العجب
ويتقطع القلب،،، ودموعك تطيح،،،
لي سنين محرومه من اهلي وما باليد
حيله،،
تشوفني اسير زيارات تطوع حق دار
العجزه بس لازرع بسمه علي شفاه
أم أو أب عق فيهم ابنهم
ولا تتصور السعاده اللي تغمرك وانت
تسمع دعوه لك من القلب،،،
.
.
.
قلب الأم ما اعظمه
بس معقولة يكون هذا جزا المعروف !!!
الله سبحانه و تعالى يقول
هل جزاء الاحسان إلا الاحسان
وهذا عق امه في دار العجزة
شي يقهر