يوم طلع علينا العبار قبل اكثر من سنتين لزيادة راس المال وقال نحن خفضنا العلاوة من 12 درهم الى خمس دراهم بس 
وقتها كنا خبول وميانين وفرحنا وقلنا حزاه الله خير ماخذا علينا كثير .
اتذكر اني صفيت محفظة ربحانة في احد الاسواق الخليجية وانا ادعو لابو عبرة لاجل ان احصل على سيولة تغطي علاوة الاصدار 5 دراهم لكل سهم
المهم انا تنبهت اني كنت عبيط في سوق اعبط
لو يرجع الزمن ورا اشلون ادفع لشركة خمس اضعاف قيمتها الاسمية ثمنا لعلاوة اصدار …!
الحينه الناس تتوقع بينزل ابو عمرة ( اعمار ) الى 3 دراهم
صج كنا ميانين والله
معليش اخوي مليونير .. لاتنسى انه اللي دفع 5 دراهم علاوة اصدار .. بعدها باع باسعار مضاعفة عدة مرات عن هالخمس دراهم اللي دفعهن .. وهذي تعتبر مغالطة
لانه بعدها تضاعف سعر اعمار بشكل كبير .. اذا تذكر
وكانت هذيك الايام السيولة على قفا من يشيل .. ويت اعمار وشالتها على قفاها
اما عن 5 دراهم علاوة اصدار .. ما ادري كيف حسبوها الجماعة في اعمار وعلى اي اساس
لكنها كانت ضربة معلم في وقتها .. وحاول غيره يقلده .. لكن جاءت متأخره بعد ما طارت الطيور بالسيولة