ياجماعه الخير منو فيكم يقدر يساعد هالرجال ويأخذ طوابعه ؟ تعالوا شوفوا السالفة بليز

اخواني السالفة ومافيها انه جاني واحد شايب اعرفه من الديره .. المهم انه الرجال يبي يزوج بنته قريب وحسب ما خبرني انه من الحين بدأ يجهز بنته بس مشكلته ماعنده فلوس كافيه

المهم انه بدأ يبيع من الاشياء الي عنده والي يقدر يبيعها

وخبرني بما انه يسمع ان الانترنت فيه ناس تشتري طوابع وما طوابع

خبرني انه عنده طوابع وفاجأني انه جابها لي وهو يقول حاول تساعدني وتعرضها يمكن الله يفرجها وتكسب اجري واجر بنتي

قلت له زين ابشر ان شاء الله بعرضها على ناس يحبون هالاشياء وبخبرك

بس بصراحة مادري احس ان هالطوابع يبي لها وقت عشان احصل على هواة طوابع يشترونها

فعشان كذا قلت بخبركم لاني اعرف انكم ناس تحبون الخير فإذا كان بينكم هاوي طوابع ممكن يأخذها بس يطرش لي السعر بالخاص او بالعام هني وانا بخبره ويكون فرج على الرجال وكسب اجره اضافة الى انه اشبع هوايته وهي الحصول على الطوابع

الحين بعرض لكم صور الطوابع واسف لان الصور طلعت رديئة لاني اخذتها بجوالي

الصورة الاولى

الصورة الثانية

الصورة الثالثة

الصورة الرابعة

الصورة الخامسة

الصورة السادسة

عاد هو خبرني انه عنده بعد كميه مثلها بس الحين بيعرض هذي اذا انباعت ممكن يجيب باقي الي عنده او اذا فيه مشتري للكل بيجيبهم بعد

طبعاً هذي بعض التفاصيل انا اخذتها قبل شويه

طوابع المملكة العربية السعودية عددهم 3 منهم واحد اصدار عام 1976 والاثنين مو مبين التاريخ
طوابع الامارات العربية المتحدة عددهم 1 مو مبين اصدار عام كم
طوابع الجمهورية العربية المتحدة عددهم 1 مو مبين اصدار عام كم
طوابع المملكة الاردنية الهاشمية عددهم 2 مو مبين اصدار عام كم
طوابع ماليزيا عددهم 1 اصدار عام 1983
طوابع الجمهورية العراقية عددهم 1 مو مبين اصدار عام كم
طوابع السودان عددهم 1 مو مبين اصدار عام كم
طوابع تايلاند عددهم 1 اصدار عام 1935
طوابع اندونيسيا عددهم 1 اصدار عام 1985
طوابع جمهورية الصومال الديمقراطية عددهم 4 واحد اصدار عام 1983 والبقية مو مبين اصدار عام كم
طوابع كينيا عددهم 4 مو مبين اصدار عام كم
طوابع مصر عددهم 3 واحد اصدار 1980 مكتوب عليه ( يوم البريد ) والبقية مو مبين اصدار عام كم
طوابع الفلبين عددهم 10 الاصدارات للأعوام التالية 1978 – 1978 – 1979 والبقية مو مبين اصدار عام كم
طوابع باكستان عددهم 1 مو مبين اصدار عام كم
طوابع الهند عددهم 1 مو مبين اصدار عام كم
طوابع ايران عددهم 4 مو مبين اصدار عام كم
طابع مكتوب عليه جنيف مو مبين اصدار عام كم
طوابع الجنوب العربية عددهم 2 مو مبين اصدار عام كم

اضافة الى الطوابع السابقة فيه عدد 11 طابع ما قدرت احددهم من اي دولة

الطابع الاول اصدار عام 1982

اما البقية مو مبين اصدار عام كم

يشهد الله ان حالتهم جداً نظيفه وكأنها اصدار هالاعوام ماشاء الله عليه شكله محتفظ فيها بشكل حلو ومكان حلو

المهم ياريت تعطون سوماتكم له ونعتبرها مساعده منكم لتحسين اموره وتيسيرها

والله يكتب الي فيه الخير

ويكتب لنا الاجر جميعاً

والي يعرف هواه الطوابع لا ينسى يرسل لهم رابط الموضوع فالدال على الخير كفاعله