السلام عليكم ورحمة الله وبركاته
أنشودة يــاخوي لـــ خالد التميمي
أتمنى أن تنال إعجابكم
http://www.zshare.net/audio/53550623c2d8bc46/الكلمــات >>
ياخوي من بعدك انا صابني هم
أرجوك ترجع يا عسى عمرك طويل
البعد خلى الجسم ناقص من الدم
عوّد ترى يا خوي مشتاق لك حيل
كل ما يمر طيفك عليّا يسلم
ادموع عيني تنهمل كنها سيل
الصبح من نورك تراه يتعلم
والبعد خلى دنيتي ليل في ليل
حتى خفوقي من غيابك تألم
والنفس ما تقوى لشوفتك تعجيل
إنت الذي عالجرح تنحط مرهم
يامن انا ما شفت في طيبه مثيل
والحين يا كل الغلى ليت تفهم
الشوق فيني قد وصل نجمة سهيل
ياخويه ليتك تجيني وترحم
خلٍ يحبك ويعشقك دون تمثيل
الكلمات كاتبها راعي الانشوده بنفسه لأخوه اللي مسافر
سافر استراليا فيعبر عن محبته له بهذه الكلمات
ومعلومه الحب في الله حبا صادقا اجمل و اوفى من حب العاشق لمعشوقته
الله يسلمك من كل شر اخوي
نشيده حلوه
تسلمين
عل الاقل مافيها ايقاعات ودي جي
على قولتهم
تسلم اخوي وما قصرت
ومب عيب الريال يحب اربيعه حب اخوه وصداقه مب حب ثاني
وهنيه يقول الريال بانه اربيعه هو سنده وعونه في كل شي
والحب انواع وانا اختك
حب اخوه
حب صداقه
حب الام
حب الاهل
حب الزوج لزوجته وحب الزوجة لزوجها
يعني مب شرط انه كلمة حب تعني شي مب زين والحب له حدود معينه كلا حسب نوعه ودام الانسان منا ما تجاوز الحدود المسموح به بيكون بخير
وسامحني على هاي المداخله
واختلاف الاراء لا يفسد للود قضيه
هالانشوده واايد مبالغ في الكلام الي فيها
من متى الريال يحب و يعشق اربيعه … الله المستعان
اتمنى منهم حسن اختيار الكلمات
مب اي خربطان انكتب ينشدونه
ترهم رفعو ضغطنا بهالاناشيد