صبحكم الله بالخير

فشيله والله أصبحكم بهالموضوع لكن تحملوني والشكوى لله..

كنت أتسكع بين المنتديات وشفت موضوع بعنوان ( يابخت اللي براسه قمله ) !!!

والموضوع يقول (ان القمل علاج لمنع حدوث الجلطات بالراس لان القمل وهو يتحرك بالراس
يقوم بعمليه تدليك لفروه الراس ويقوم ايضا بامتصاص الدم الفاسد…
ليتغذى عليه وبذلك تجدد الدوره الدمويه… ولايحدث جلطات بالراس وبحثت بعالم النت عن
العلاج بالقمل وجدته معروف وحقيقه ووجد الانسان المصاب بالقمل ذكي لان القمل يمتص
الدم الفاسد!!! انشروها واللي عنده قملة يحافظ عليها)

وأنا أقول ..يازمن العجايب وش بقى ماظهر!!


حقوق هالقمله محفوظه لروعه ولمنتدى الامارات للاوراق الماليه ومختاره لكم
قمله كشخه عشان مااحوم اكبودكم على هالصبح
وطبعا مين يصدق هالأشاعات كثر الحريم وخصوصا أن فيه أشاعه تقول أن القمل يعالج
تساقط الشعر ويغلظ الشعر ويكثفه<< نعنبو الزين اللي يعرفونه عمرها مازانت هالشوشه..

والبلى أنتشار بيع القمل والتجاره فيه وتخيلوا حفنه من القمل تنباع ب 50 ريال مابقى إلا يسوون
عليها عرض أشتري حفنتين ب 100 ريال وتحصل على حفنه ثالثه مجانا << أخص يالقمل
وصار لك قيمه والله ..

لا وازيدكم من الشعر بيت هالقمله لها مواصفات ..لازم تكون قمله عقيم طيب لو تعالجت من
العقم شسوي أخسر فلوسي يعني ..

مابقى إلا يحطون له ماركات بعد ..(لويس فيتون, وجوتشي ، وفندي ، وبربري) ..
فيه حريم كشخات ويبون يحافظون على أعمارهم ولا مالهم رب !! وتخيلوا أنواع الكشخه
والحركاأأت واتحكحك ..

السؤال اللي محيرني من وين يجيبون القمل ووين يحطونه لما يبيعونه !!!

أتخيل شكلي وأنا داخله العطار واقوله بكم القمله عندك بالله؟؟

أذكر آخر مره شفت فيها القمل لما كنت خامس ابتدائي ..مصريه بفصلي الله يستر علينا وعليها قاعده بالكرسي اللي قدامي كان القمل
يسرح ويمرح بشعرها …وأنا أنواااع التوتر والقلق والقشعريره والله أنه ينزل على رقبتها ويرد للشعر وهي ولا حاسه وانا اللي اتحكحك ..

مادري ليه بالبدايه ماقدرت أصدق معقوله فيه ناس بالهالثواره يسمعون بالطب الشعبي ومايدورن وش هو !!

وماتوقعت فيه حريم مهبل يصدقون كل شي لين شفت حريم متفاعلين مع الموضوع ..
صدق هذي مشكله بعض الحريم كل وحده لاهيه بعمرها ..كل همها.. وش اللي يبيض؟؟
وش اللي يكثر الشعر ؟؟ وش اللي يخسس؟؟ << الله يخسكن بلى فشلوووتنا..
المشكله أن الخير يخص والشر يعم

سبحان الله بعد ماكان القمل عقاب وأبتلاء من الله صار ينباع وينشرى!!!

((فأرسلنا عليهم الطوفان والجراد والقمل والضفادع والدم آيات مفصلات فأستكبروا وكانوا قوما مجرمين)) سورة الأعراف ( 133 )

للأسف واقع جاهل في زمن متحضر

بس تصدقون
تجاره مربحه ..هالشويه 50 ريال .. محد يبي قمل؟؟
ودمتم بصحه وعافيه بدون قمل وخرابيط
…..

9 thoughts on “يازمن العجايب وش بقى ماظهر!!!”

  1. صبحج الله بآلنور و آلسرور يآلغآلية

    أصبحنـآ و أصبح آلملك لله .. شو هآلموضوع آلوآحد يصبح عليه …. “آلقـمـل” ..!

    بـصرآحـه أول مرة اسمع عن قمل هآلمعلومـآت ..!!!!!!

    أمـآ عن تغليظ آلشعر هآ سمعته .. يقولون أون آلقمل سمآد للشعر و يجعل آلشعر ينمو بكثآفة ..!!!

    بس أنآ قريت مره ان يبيعونهم بـ ريآلين و نص .. يمكن ألحين رفعوآ الاسعـآر .. يوم شآفوآ ان الاقبآل زآيد عليه ..!

    لووووووووووووول

    يآحيـج وآلله أنتي شفتي قمل .. أنـآ خآطريه أشوفهم في آلطبيعة و ادقق على ملآمحهم (لوووووووول)

    بس اللي فـ آلصورة تجززت منهآ و لوعت جبدي .. فمـآ بآلج لو اشوفهم في آلطبيعة ..!

    كنت اسمع ان شي نـآس يتخلصون منهم عن طريق آلبف بآف .. يرشون فـ رآسهم بف بآف ..!!!!!

    انــصدم و اقووول معقوولة شي نــآس يرشون فـ رآسهم بف بآف ..!!!!

    ◕‿◕ ▌ روعـه ▌ ◕‿◕

    سلمتِ غآليتي على آلطرح الـ بس لآ تعيديهآ مره ثآنية (لوول)

    نترقب آلـمزيد منك .. تقبلِ مروري

    دمتِ بلآ قمـل

  3. للاسف العلم ما يتوصل لمثل هذه الحقائق الا متاخرين يعني عقب ما يفوت الفوت… في المدرسه اول كانوا يرشون روسنا بخاخ عن القمل (( يعني مذبحه للقمل بالكيماوي )) في الطابور الصباحي ما خلوه ينشط خلايا الدماغ شوي

Comments are closed.