الســـلآمـ عليكمـ ورحمهـ الله .}~
.
.
اشحالكمـ .. ؟ عســـآكمـ الا بخير ..؟~
.
.
آخوآنـــي ” الي فاهمين بالرنج روفر ” العائلي ” .. مو الاسبورتــ ..
.
آنـآ نـآوي آخذ رنج روفر موديل 2004 مستعمل .. بس وآيدين مخوفيني منه ..
ويقولون لي بانه خرآبـآتهـ وآيد .. وقطع غيــآرهـ نــآآآر .. وكل يوم في الصناعيهـ ..
مع آنه الموتر والله دآخل خـآطري .. لآنه عندي لكزس 430 -2005رااحه لابعد حدود .. بس ببيعه عسبت اوفر حق مصاريف الجامعه وقلت ابيع للكزس .. واخذ موتر اقل سعرهـ وبنفس الوقت فورويل .. مع انه اسعارهم تقريبا الرنجات الي لقيتهم وبعضهم مغير شكلهمـ من 55 الى 60 الف ..
.
.
الي اريدهـ مشورتكمــ بالموتر ككل ..
من ناحيه الخرابات ؟
قطع الغيار واسعارها الي دوم تتغير مثل السفايف والدرامات وغيرهمـ الاستهلاكيه يعني الي تتغير دوم ؟؟
آخبار صرفيتهـ نفس الاستيشن ولا آكثر ؟؟
الورش وكراجات التصليح المعروفه في ابوظبي والي شغلهم صح ..؟
.
.
آتريـآآآ مشورتكمـ قبل لا اشتري .. وآنتم خير من نستفيد منه .~؟
.
.
آتريـآآآ ردودكمــ .. ^^
24 thoughts on “||.~ ياشباب ابى مشورتكمـ .. في الرنج روفر hse المستعمل .~||..؟؟؟؟؟”
Comments are closed.
مرحبا الغالي
انا استخدم رنج سوبر جرج قبل كم اسبوع ياي فيه من البحرين يعني ضارب خط محترم
واللي يقولك خرابات اسألهم سؤال واحد هل استخدمت الرنج عشان تقول خرابات كل واحد يقول اللي يسمعه
نفس الرمسه يتني لما بعت الكرايسلر 300 الاصفر
وانت اذا بتاخذ 2004 تنزل منه دفعات مكينة البي ام يعني انسى شي اسمع خرابات
وعن الهايدروليك لا تدخل البر وانا عن نفسي كل يومين افصل الفيوز واركب ومافي اي خرابات اهم شي تسوق بشكل عادي مب جدامك مطبه تسوي طاف
الموتر تحترمه يحترمك
ولو اتشوف مشاركاتي بتشوف اني عارض لكزس فورويل وراعي اللكزس باعه وخذ رنج موديل 2008 ومب متحسف عالبيع
وبالعكس حتى لو مافي ضمان ترى قطع غياره مب نار وبنفس الوقت ترى هافي ديوتي
يعني البلكات سعرها الحبه 30 درهم يعني 8 = 240 درهم الكراج يبدله لك من 100 الى 150 على حسب
السيور سيرين الاول 90 والثاني 130 درهم وهذي الاشياء مب استهلاكيه يعني بتعيش وياك
والآيل بالمحطه الكبرى فلتر وآيل وتنظيف و كل شي 608 درهم 10الاف كيلو نوع الآيل كاسترول
لو حصل فيه ليك بالهايدروليك البايب 1600 درهم القطعه مع التركيب ترى الوكاله تاخذ على شغل الساعه 300 درهم يعني لو تشتري وتبدل برع ارخص بنص الجيمه
افحص الدفريشنات والجير والبيرنجات والبوشات اهم شي بالرنج عشان ترتاح عقب
واتمنى اني افيدك ولو بنبذه والسموحه من الجميع
تحياتي
السلام عليكم .. كيف الحال
اول شي الله يوفقك في دراستك وثاني شي بخصوص الرنج
اعطاله قليله وبسيطه
صرفيته زينه مقارنه بالفورويل بشكل عام .. قطع غياره لا باس فيها .. يعني لا غاليه ولا رخيصه رخص التراب
عندك رنج هب كرولا ههههه ..
عوقه الهيدروليك وايدين يتشكون منه وطبعا حسب استخدامك .. استخدامه حلو وسواقته سلسه
بس اذا انته ناوي توفر حق الدراسه .. خلك ع اللكزس .. تراها زينه واقتصاديه اكثر عن الرنج
وسياره مافيها حيله وماعليها كلام من جميع النواحي
لا تستعيل وفكر في الموضوع ان شاء الله الاخوان بيفيدونك اكثر
مشكور على طرحك لهالموضوع
واحد من الربع كانت عنده hse موديل 2004 …
يخبرني انها فجاه في الشارع مادري شو استوا بها .. نزلت من صوووب واحد .. جنه الهيدروليك ..
يعني السياره كانت واقفه مرفووعه من صووب .. ونازله من الصووب الثاني …
وكانت واقفه برع البيت وعقب باعها …
احسن لك تاخذها ويالضمان ..
بيني وبينك انا بعد ادور hse بس 2008 وفوق
بالتوفيج يالغالي
السلام عليكم ورحمة الله وبركاته
اشكر الشباب على التواصل… واشكر صاحب الموضوع على طرحه لمثل هالموضوع الحساس والي ممكن يفيد الكثير من الشباب…
مااخفي عليكم… كنت ناوي اشتري رنج 2004 بس مانصحوني فيه لكثر الخرابات…
أتمنى الكثير من الشباب يتواصلون ويعطون خبرتهم ف السيارة علشان تكمل الصورة والي ناوي عالرنج تكون عنده قاعدة قوية من المعلومات عبر الموضوع المطروح…
يستاهل الترفيع…
موفق بإذن الله … لك مني أجمل تحية .