السلام عليكم ورحمة الله وبركاته
مثل ما شفتوا العنوان هذا اليوم سمعت في الدوام ومن كذا واحد
فيا اخواني شو تعليقكم في الموضوع
وما تلاحظون ان كلامهم صح
أنا معاكم يمكن الواحد يقول الحلال حلال والواحد حر
صح لان هو يفكر في مصلحته باع باع ما باع مو مشكله والمنتدى هل فكر في المنتدى
أكيد بحصل تعليق على الموضوع
بس بسال الاخوان شو رايكم في الاسعار وبالذات أهل المعارض
اقتراح جيد ان يكون في المنتدى خبراء لتقييم
وانا اقترح ان يكون هناك رسوم رمزيه على عرض السيارات
للحد من عرض السيارات المبالغ فيها لان كثيرين يقولون اعرض
سيارتي بالسعر الي ارغب فيه وفي النهايه موخسران شي ابتاعت او لا
لو في المنتدى خبراء تقيييم سيارات بيكون افضل واشخاص موثوق فيهم وعلى كل اعلان سيارة
يحطون لون احمر يعني السيارة غالية ومبالغ فيها اصفر سعر جيد واللون الاخضر السعر ممتاز شو رايكم بهذا الاقتراح
انزين فرضنا انه كلامكم صح يا اخوان… شو الحل برايكم يعني؟؟؟
يعني فالنهايه شو الهدف من هالموضوع؟؟؟ هل تقدر تفرض سعر معين عالبايع ؟؟؟ والمفروض انه ما يزيد عليه؟؟؟
يا اخوان انا اشوف انه هالمنتدى مكان مفتوح… محد فينا مجبور يشتري اللي معروض بالسعر اللي معروض..
يعني بالعربي اتخيل عمرك تقرا مجلة اوتو تريدر.. بتقرا الاعلان عيبك السعر بتشتري ما عيبك بتقول في خاطرك “ها وين يبا يبيع بهالسعر؟؟؟” وبتجلب عالصفحه اللي عقبها وخلاص..
انا معاكم في بعض المرات الاقي سيارات في حاله ممتازه بس السعر ما يساعد…شو اسوي؟؟؟ لو السعر جريب عا ميزانيتي بكلم راعي السياره. ولو السعر بعيد عن ميزانيتي بدعيله الله يوفقه ويهديه وبتوكل…
فعلا كلامك صحيح 100%
الاسعار مبالغ فيها واااايد وموب بس السيارات لا في كل شي .. اي شي ينباع في المنتدى يكون اغلى من السوق مع انه المفروض يكون العكس
الصراحه راحه …
معظم السيارات المعرووضة للبيع .. معرووضة بقيمة المعارض .. او اغلى بعد …
للاسف شي ناس هم يشجعوون على الغلاء …..
وشي ناس مايخصهم بالتقييم … ويوم واحد يبا يقيّم سيارة .. وفرضاً السيارة سعرها فالسووق 100 ألف .. يرووح يقوولّه الموتر يسوى 120 ألف
حليله صاحب السيارة يعرضها ب 120 وفالاصل الموتر حدّه 100 ألف
يعني أغلب السيارات اللي تنعرض فالمنتدى تنعرض بسعر غالي ….
مافي فرق من بينها وبين سعر المعارض …
والمشكله وايدين عندهم معارض ويبيعون مواترهم في هذا المنتدى بسعر المعرض …
احس انه المنتدى صار معرض بنفس الوقت او وكالة ..
انا قبل كنت احب قسم السيارات .. بس عقب شاب راسي من كثر ما اشووف الاسعار الخيالية …
الله المستعان …