السلام عليكم ورحمة الله وبركاته:
عندي بنتي سنتان ونصف وللاسف صارلها من بعد رمضان وهي تنش من الرقاد كل ليله تصيح وبعد شهر تطور الموظوع وصارت تأشر عالسقف وتتكلم….
يوم بعد يوم صارت من تنش تأشر بكل زاويه وهي خايفه وتقول بابا ولد ولد؟ ومن اسألها مافيه شي بالغرف تقول فيه ولد يخوفها. ومن اسبوع صارت تصيح وتقول عيونه تخوف وصارت تغطي عيونها وتطلب مني اغطيها عشان ماتشوف السقف.
احنا الحمدلله نقرأ سورة البقره ونشغل قران بالبيت ونقرأ المعوذات عالبنت بكل ليله بس شو الحل؟
هل بالفعل الطفل يقدر يشوف الجان او لا؟ وشو الحل بمشكلتي جزاكم الله ألف خير
الله يحفظها من كل شر
جزاكم الله ألف خير وجعله بميزان حسناتكم يارب:
1-مشكور ياراعية البورش وكلامك 100% صحيح ويالسين نفر كل الالعاب ونمشي بنصيحتك لان البيت اجار وممكن مسكون نفس كلام الشيخ أحمد الكبيسي.
2-أبو عائشه جزاك الله خير بس المشكله اني ببريطانيا للدراسه ولا ياليت لو بالبلاد ومن اوصل بأتواصل معاك والله لايهينك.
3-مشكور يابوخالد والله يحفظك
الله يشفيها– ويحفظها من كل شر
أسأل الله بأن يحفظك وابنتك من كل سوء
عليكم بالرقية الشرعية وممكن ادلكم على رجل فاضل يرقي، مكانه في العين
خبرني وراح اتواصل وياك بالتفاصيل
والله الموفق
لأن ممكـــن يكــون بيتكـــم مسكــــون وهذا تقريباً بيوت كثيره كذا
شيلي كل الصور والحيوانات والدباديب والباربيات من غرفتها
والالعاب اللي زوات الارواح من البيت كلها صوركم وما الى ذالك
لأن لا تدخل الملائكة بيت فيها صور
ولا تلبسينها ملابس فيها صور ابداً