السلام عليكم ورحمة الله وبركاته:
عندي بنتي سنتان ونصف وللاسف صارلها من بعد رمضان وهي تنش من الرقاد كل ليله تصيح وبعد شهر تطور الموظوع وصارت تأشر عالسقف وتتكلم….
يوم بعد يوم صارت من تنش تأشر بكل زاويه وهي خايفه وتقول بابا ولد ولد؟ ومن اسألها مافيه شي بالغرف تقول فيه ولد يخوفها. ومن اسبوع صارت تصيح وتقول عيونه تخوف وصارت تغطي عيونها وتطلب مني اغطيها عشان ماتشوف السقف.
احنا الحمدلله نقرأ سورة البقره ونشغل قران بالبيت ونقرأ المعوذات عالبنت بكل ليله بس شو الحل؟
هل بالفعل الطفل يقدر يشوف الجان او لا؟ وشو الحل بمشكلتي جزاكم الله ألف خير
انا بنعتك على مطوع معروف في سوالف الجان والضامن الله وصدقني مابتندم ودي اخدم ياخوي
اذا بغيت تواصل وياي على الخاص وانا حاضر بوصلك لين عنده
الله يشفيها إن شالله ويعافيها من كل شر
عليكم بسورة البقرة ….والرقية الشرعية ..وبإذن الله بتتعافى من كل شر…
وهذا ابتلاء اصبرو وقوا قلوبكم ومن كان مع الله كان الله معه ..والله وياكم إن شاالله
جزاكم الله ألف خير :
مشكور ياحفار القبور والله يفظ ذريتك.
ومشكوره يا اختي hayatt وباذن الله اجربها وماقصرتوا جميعا والله يجعل ردودكم بميزان حسناتكم
سوي هذه الطريقة والله اعلم:
اخذي ماء فيه سكر نبات ونعناع
واقرئي عليه سورة الجن والمعوذات
وشر بيها من الماء على الاقل اسبوع
هذه كانت نصيحة من شيخ قارئ للقران لطفل يشكو دايما من المخيلات
وقال ان ذلك ناتج عن مشكلة في كهرباء المخ والله اعلم