ياني احباط من المقابلات الوظيفية

9 thoughts on “ياني احباط من المقابلات الوظيفية”

1. بدون كتاب من شيخ وواسطه ماحد يشتغل هالايام دوري كتاب من اي شيوخ حتى لو من شيخات وامورج في السليم ربيعي شهاده 2 ثنوي عنده يعني حتى هب شهاده ثنويه عامه ويشتغل في المحكمه ومعاشه 16-17 الف
   

2. باااااال شالسالفة أخواني وين الرووووح القــــوية ويــن العــــزيمــــة أنا اسمع بس ما صارت معاي ويارب عمرها ما تصير

   الحمــــدللـــه دوووم أقــــدم وظـــائف هم يوافقــــون وأنا أرفــــض ماشاء الله يبارك لي ويلحووون علي

   هو ما عليه من تقـــديم مئة وظيفة لالالالالا أو طلب

   عليه من كيف تقدمين للوظيفة خل ننبهكم بكم شي :

   1- أي شي يخبرونكم عنه ترمسووون هييه موافقيييييين ( بروح رياضية قوية وعزيمة حلوة ) ترى يبان الكذب بالويه والصوت ..

   2- تطلعون البر في عز الظهر والحرررر تقولون هييه موافقين ( ترااا حركات تطفيش بس مب علينا واختبار لجدية الشخص بالعمل ) ..

   3- تعطيهم تطلعات للمكان اللي بتمسكة شو بتسوي فيه مو مهم شو المنصب

   لكن تبين لهم أن تطمح توصل عملك وادائك لأعلى بجهدك وعرقك ..

   4- ذكرتوني ترى يحبون العرق واااااايد والتعب عاااد لا تنسون خل اشكالكم تتكلم عنكم مو تتكشخون بالمقابله خلكم عصاميين بالشكل ..

   5- خلكم متفائلين دوم جدامهم مثلا خبروكم أن الوظيفة في شفتات وكلب يعض : قولوا هييه موافقين نحب الكلاب ..

   6- هيه واذكروا انكم تحبون الابداع ترى أنا احبه طبيعي والله وما يهمني شو الوظيفة اللي أمسكها لأني بوصل بجهدي ..

   7- ونكم مستعـــدين للحـــرب من غير أسلحة في سبيل الشغل وطاعة اللي يجري لكم المقابلة مهمه ( بس لا تحبون ايدينهم ) ..

   8- تحذير اي نظرة احتقار او نظرات نصكم ترى بيعرفون وتتفنش قبل لا يشغلونكم ( يبون ناش للشغل شغيله ) ..

   9- تحس أنك من الناس اللي تتخقق وايد وأنا ما يسمح لك بالوظيفة هذي أقل من مستواي ( اجلس بالبيت أحسن لك )
   من الوظيفة اللي بتآخذها

   10- اذا جــد أنت قدها بمسيرة كم شهر ممكن تصير المدير ( عادي تحصل كثير ) ..

   11- ما يهم شهاداتك لكن يهمهم روح التعاون والاخـــــــلاق الطيبة مع كل الموظفين والرغبة بالعمل بجد ( ياريت تتخيل نفسك انك من نفس الجنسية ) ..

   بعد ما تسووون كل هاااااي أنا اعطيكم قرنتـــــي بتتوظفون بوظيفة حلووووة جـــــــد

   وبنهاية العام ممـــكن تترقون لوظيفة أحســــن بفضل التعامل والاخلاق والاخـــــــــــــــلاص بالعمل ..

   والله معاكم ..

3. موضوعك سلبت الروح جدا مهم واهم شئ فيه الصبر واخونا عذب المشاعر خير دليل بس اربع اسنين صج تحبيط والله يساعدك ياخوي
   اخواني للامانه بدون فايتمين واو لا تعبون حالكم نعم توكل على الله ثم الشهاده والواو لا تنسونه هذا الواو ملح وبهار الطبخه ! قط مره كليتوا طبخه بدون ملح و بهار الله يهديكم !!؟؟؟؟؟؟
   المهم بالمقابلات تحس انك مابينك وبين الوظيفه اشعره وهم للاسف معاملة اخونا الي يايب واسطه ماشيه والمقابله للاسف لعب و تحصيل حاصل ليبينوا للعامه اننا نقبل حسب الكفاءه والشهاده ؟؟؟؟؟؟؟ بدون تحبيط لكنه واقع عندنا وعندكم خير , ولا نعمم .
   نصيحه لخوي عذب المشاعر اذا انت نشيط وطموح اشتغل مع اي مكتب عقاري لو بأي معاش منها اتعلم واكتساب للخبره ولا تستعجل على رزقك وصدقني رايح تذكر كلامي زين واذا الله عطانا طول العمر بعد سنه خبرني وفالك طيب .
   والسموحه اخواتي ماأعرف عمل لكن ولكن والله الشغل الحر بالصبر والامانه يوكل عيش واحسن من الما.. عاش..الي ماعمره عاش

4. .
   .

   باجر ان شاء الله عندي مقابله

   وأول مقابلة لي

   و احس موضوعج يقولي ” طريقك مسدودن مسدودن مسدوود

   من اولها ههههه

   ان شاء الله خير

   .
   .

Comments are closed.