ياهلا باللي لفاني عاني … ياهلا به الف ترحيبه

مساكم الله بالخير وحياالله خواتي واخواني

……

من المعروف ارتباط الضيافه الخليجيه بالقهوه العربيه فنحن نعتبرها رمزا للكرم والأصاله فقد ارتبط الخليجي بالقهوه العربيه ارتباط عميق في حله وترحاله
وفي أفراحه واحزانه والقهوه لها طقوس ولها احترامها ولا يخلو بيت من بيوت الجود منها ونحرص كخليجيين على وجود القهوه بالبيت اكثر من حرصنا على أي شي اخر ..

سلم الــــعـــرب جيلٍ يعلم بها جيل…مازان مجلس دلــــتــــه مانصبها
فيها السلام وكيف روس الرجاجيل…ومعها علوم تــــــدور اللي رغبها
فياما انقذ الفنجال بعض المقاتيل…وامــــــــن مطاليبٍ تــعــذر طلبها
صـــب اقهوه من طيبات المعاميل…وشــــب نارك فالدفا في حطبها
فبيتٍ بـــــلا قهوه فلا فيه تسهي…فهي شيمة العربان وايضا نسبها
وللقهوه طقوس اغلبنا يعرفها ويطبقها .. وهي أن نبدا بالضيافه من يمين المجلس وحتى ان كان هناك طفل لايمكن تخطيه وتقدم له وان رفض فينتقل لمن يليه.
. وان نمسك الدله باليسار والفنجان باليمين..ان لايمليء الفنجان وان تصب القهوه بقاع الفنجان ( اذا مليت الفنجان يقولك قلبك مليان علي ) << طيب واذا صبيت شوي أكون .. يلا عادات شنقول ..
ومن العيب ان يكون الفنجان فيه كسر ( يقولون اللي تشرب بفنجان طرفه مكسور تتزوج زوج اشرم ) أنتبهو يابنات عاد بلوه الوحده تتزوج زوج اشرم بسبب فنجان قهوه
ويعرف انتهاء الضيف من القهوه بهز الفنجان..

وتختلف قواعد التحضير والطعم والتقديم بين دول الخليج ..
ولعلي كنت اتوقع ان القهوه الخليجيه هي نفسها حتى تعرفت على اختين الأولى قطريه والاخرى اماراتيه ..
القطريه تعرفت عليها بالحرم بمكه المكرمه ..وعزمتها على القهوه وكل ماكانت تبي تقوم تقعد مره ثانيه وتشرب فنجان قهوه وتقول قهوتكم ماينشبع منها ابددد …

أما صديقتي الاماراتيه .. وهي تعشق القهوه السعوديه آخر مره زارتني فيها كانت تشرب شوي وتقلب عيونها وهي تشرب وتقوووول ادماااااااان ههههه ….

وحبيت اكتب لكم طريقة القهوه السعوديه ..
اولا .البن ..والبن عندنا نوعين بن هرري وهو الأفضل و بن لقمتي وياتي بالدرجة الثانيه من ناحية السعر والجوده… وطعم البن يتوقف على الحمسه .
.وهي 3 انواع غامق ووسط وفاتح .. والأفضل ان يخلط الغامق بالوسط .. ويوضع بالدله بمقدار فنجان قهوه مع لتر ماء ويطبخ على نار هادئه لمده ربع ساعه ..

دنَّيت لك من غالـي البـن مـا لاق..بالكــف ناقيها عـن العـذف منسـوق
احمس ثلاث يا نديمـي علـى سـاق ..ريحه على جمر الغضى يفضح السوق

ثانيا ..الهيل .. من الافضل ان يكون الهيل مجروش وليس مطحون طحن ناعم ويوضع بمقدار ملعقه صغيره في دله التقديم.
ثالثا ..الزعفران ..ويوضع القليل منه في دله التقديم ايضا..
رابعا..المسمار او القرنفل وهو اختياري ..ويوضع بدون طحن من 3الى 4 حبات في دلة التقديم ايضا..

بي شـــــوق للدله وصوت الفناجيل….والقهوه اللي النار تــوقــد حطبها
واشتقت للمسمار والــبـــن والهيل.. والزعــفــــران اللي يطيب شربها

وبعد ان يطبخ البن مع الماء ربع ساعه يسل في دلة التقديم على الهيل والزعفران والمسمار ويترك قليلا حتى تركد القهوه .. ثم تقدم …
وماتحلى القهوه إلا باللمه الحلوه مثلكم وشرواكم

يا ما حلا الفنجال مع سيحة البال…في مجلسن ما فيه نفسن ثقيلة
هذا ولــد عمن وهذا ولـــد خـال…وهـذا رفــيــقن مالـقينا مــثيله

واكيد ماراح تشربون قهوه بدون ماتحلون.. وسويت لكم هالحلى وهني وعااافيه على ضيوفي
ودمتم بخير

9 thoughts on “ياهلا باللي لفاني عاني ..ياهلا به ألف ترحيبه”

  1. صراحه!!!!!!!!!!!!!!!!!!!!!!!!!!!!!!!!!!!!!!!!!رووو لت

    رووووعه يااااااااااااااااااروعه

    رووولت << قعدت افكر شيعني شيعني شيعني وبالاخر فهمتها ههههههههه
    والروعه مرورك وردك أخوي
    الف شكر ولا عدمنا تواصلك

  2. عاد اهم شي القهوة

    مرة بغيت اصب حق اميي

    وسالفة استوت اول شي مسكتها باليمين والفنيان باليسار

    انهزبنا وعكسنا كل شي .. الدلة باليسار والفنيان باليمين

    انزين سرت وترسته ههههه على بالي ماي ..

    نازعونا ..

    عطيتها فنيان وناشة بشرد هههه زخونا وانهزبنا اونه ما هزينا الفنيان بعدنا >> سالفة عودة

    وعطوني محاضرة فهالموضوع

    حرام عليج يا روعة تاكلين حلو وما تعزمينا عاد انا عوقي الحلو .. >.<

    الوصفة لو سمحتي عالخاص فديتج ههه

    >> احس انها سنافر بس طريقة التزيين غير .

    تسلمين عالموضوع الروعة يا روعة ..

    ^^
    .
    .

    ياهلا بالغر تمسكين الدله باليمين والفنجان باليسار هذي قووويه
    وتخبيصنا مع الكبار بمقدار القهوه مايخلص يعني لازم نتهزأ واحس الحريم مايدققون كثر الرجال..
    ابوي ماعمري صبيت له قهوه إلا يقول كثيره ولا قليله يقول ابي صبة فلان بن فلان <<< معروف بس مااقدر اقول اسمه ههههههه اقوله والله ماعمري تقهويت معاه عشان اعرف صبته
    ورى مايحطون خط احمر داخل فنجان القهوه عشان نريحهم ونرتاح ..
    وانتي بتئولي على الحلى بذمتك فيه حرمه ماتحب الحلى ههههه
    والحلى هذا سهل حييييل ..

    وبقولك مقاديره وطريقته على العام بالصور بعد

    الطبقه الأولى ..1بسكوت مطحون + قالب زبده .. ويكبس في صينيه بايركس..
    الطبقه الثانيه ..بسكوت أوريو يغطس بماء مع نسكافيه عشان ياخد طعم النسكافيه ويلين شوي
    ويرص على البسكوت المطحون ..
    الطبقه الثالثه ..(12 حبه جبنه كيري+ علبه إلا ربع نستله مركز + 1 دريم ويب + علبة قشطه)
    تخلط بالخلاط وتصب على الأوريو ..
    نزينها بصوص هيرشي شكولاته و توفي وتوضع بالثلاجه لين تبرد.. وبالهنا والعاااافيه..

    وأي سؤال انا حاضره أختي ..

    ….

  4. زين تعلمنا القهوة السعوديه قبل الإماراتيه

    تعرفين لني ما اشرب قهوة ،، فأقول مب لازم أتعلمها // مع انها ضروريه لو ضيف يانا البيت وامي محد

    بس صراحة كفيتي و وفيتي ،، داشه الموضوع و شامه ريحه قهوة

    بس لو سمحتي الحلى أهم من القهوة

    ممكن تخبرينا الطريقه

Comments are closed.