الاخت بتقولكم تبي Q7 وتسالكم لو دخلت على رمل السيارة راح تساعدها ولا لا
وانتم تقولوها خذي e500 او bmw 530 او انفينتي كوبيه ؟؟؟ ههههههههههههههه
اختي انا بساعدك انا كان عندي واحد واسمعي نصيحتي
الاودي 6 سلندر قوي بس مو زي ال 8 سلندر
انصحك لاتاخدي الا ال 8 سلندر لانه كواترو يعني نظام دفع رباعي متناسق وقوي جدا جدا جدا ومن دعسه السيارة راح تحسين بقوة الموتر وغير المواصفات والشكل الخارجي راح تاخدين سيارة ممتازة ومالها اي اعطال وانا مجرب وهي ماخده جايزة اكثر سيارة جيب فخم اوروبي في المبيعات واي سيارة تحقق مبيعات يعني قطع غيار متوفرة
وصيانه اودي مايحتاج عليها كلام مجانيه ماتدفعين ولا فلس
وفي النهايه انا اقولك استخيري الله وبعدها اتوكلي
والله ياختي انا الي اعرفه ان الاودي بجميعها فيها ميزتين الاولى ان سعرها ينزل بوايد بعد الشراء واالميزه الثانيه انها بعد مايخلص ضمانها بتطلع عيونج وبتلعوزج بس السياره حلوه وشكلها حلو وواسعه والي بتصلح لج 6 سلندر وماعليها بعد جيده في البر حالها حال الاستيشن 6 سلندر اتمنى اكون قدرت افيدج
تحياتي ..
اختي في الله انا عندي اودي اي 8 موديل و بخبرج عن خبرتي مع الاودي !! مثل ما قالو الشباب سياراتهم عليها ضمان 3 سنين و مع سيرفس 5 سنين او 105 الف كيليو انا جربت ال q 7 يشهد الله انها سياره طبعن السياره فيها انواع و هن كل تالي
[CENTER]الثمانيه سلندر و منها ال s-line و الي طبعن مانصحج كونج كا امراه ما بتيوزلج سياره صوتها عالي شوي ! يعني تاخذيلج ثمانيه سلندر عادي فل اوبشن
سعر السياره ثمانيه يبدى من 299 الف[/CENTER لين 360 الف
النصيحه الوحيده ابعدي ابعدي ابعدي ثم ابعدي عن وكاله علي و اولاده الله يجازيهم علي صارلي معاهم !!!!!
عند ربيعي الاودي مل من كثر ما تخترب عليه والحين يريد يبيعها وماعطوه قيمه فيها ابتعدي عن الاودي عليج بالانفنتي الفورويل Fx50
اعطالها وايده وسامانها ناااار
يعني اذا بتاخذينها خصصي ميزانيه شهريه حق تشييكاتها
نصيحتي لج خذي لكسز ومن بعد لكسز الانفنتي اليديده
حلوات شكلياا وسعرهن ما يطيح مطلوبات بشكل كبير
وتشييكاتهن رخيصه وسامانهن معقوول
اما الاودي بتشترينها غاليه وبتبيعينها برخص التراب وبعد ما تزوعج فلوس
الراي رايج
احنا علينا النصيحه وبس
ربي ايوفقج